2021年香港區議員宣誓
From Wikipedia, the free encyclopedia
2021年香港區議員宣誓,係指2021年9月到10月,香港政府為咗配合《香港國家安全法》而安排為咗2020-2023年度嘅香港區議員搞嘅宣誓儀式,要求區議員宣誓擁護《香港基本法》同效忠香港特別行政區。
呢篇文記述緊一項香港嘅時人時事。 內容會隨住事件嘅進展而變動或者更新。 |
唔同西方社會對宣誓儀式嘅慣例,監誓人唔係淨係睇宣誓儀式嗰一刻合唔合規格就得,而係會睇返宣誓人過去嘅言行,只要監誓人覺得呢啲言行唔符合誓詞要求,都可以判定做無效宣誓,兼無得重新安排宣誓,亦即係代表會喪失議員資格。
皆因搞宣誓之前嘅2021年7月,香港政府係噉向傳媒放風,話已經訂立咗「負面清單」,區議員中咗清單入面嘅行為嘅話,宣誓一定會無效,甚至要追討返全數薪津,結果引發民主派區議員辭職潮,去到9月已經有超過兩百位泛民主派、香港本土派、修憲派區議員劈炮。不過,港府未有因為噉而手軟,喺開始搞宣誓之後,依然將好多冇劈炮嘅泛民主派區議員判定做無效宣誓。