From Wikipedia, the free encyclopedia
2021年太平洋颱風季泛指喺2021年全年內任何時間，喺赤道以北及國際換日線以西嘅太平洋水域，以及南海所產生嘅熱帶氣旋。雖然有關方面並冇設立爾個颱風季嘅指定期限，但大部份喺西北太平洋嘅熱帶氣旋通常都會喺5月至12月期間形成。
 | 呢版要更新，以反映最新情況。加完料之後唔該拎走個模。 |
除非特別寫明，否則本文所有時間都係以UTC+8時間為準。
| 2021年太平洋颱風季 | |
|---|---|
氣旋季總結圖 | |
| 氣旋季長度 | |
| 第一個系統形成 | 2021年1月20號（熱帶性低氣壓） |
| 最後一個系統消散 | 風季未完 |
| 最強風暴 | |
| 名 | 舒力基 |
| • 最低氣壓 | 895 hPa（mbar） |
| • 最高風速 | 240 km/h（150 mph） （10分鐘平均風速） |
| 氣旋季統計 | |
| 熱帶低氣壓數 | 38 |
| 風暴數 | 20 |
| 颱風數 | 6 |
| 超級颱風數 | 3 |
| 死亡人數 | 57 |
| 財產損失 | $13.1百萬美元（2021年美元） |
| 相關嘅文 | |
| |
呢篇文嘅範圍僅限於赤道以北及國際換日線以西嘅太平洋以及南中國海水域。喺赤道以北及國際換日線以東嘅太平洋水域產生嘅風暴就被稱為颶風，並被列入2021年太平洋颶風季。喺西太平洋產生嘅熱帶風暴係由日本東京颱風中心命名，國際編號係21xx，而美國聯合颱風警報中心會將嗰帶嘅熱帶低氣壓編上W字尾嘅編號。
凡進入或喺菲律賓風暴責任範圍以內產生嘅熱帶低氣壓，菲律賓大氣地理天文部門（PAGASA）都會為佢哋訂立一個菲律賓名，作當地警報用途；此外，由於中港澳採用同一翻譯名，而台灣嘅譯名可能有唔同，因此同一個風暴可能會有兩個唔同嘅中文名，有時候會有兩個唔同嘅英文名（國際名同菲律賓名）。
深圳市氣象台預計，深圳喺2021年受颱風影響時間早，喺全球變暖同拉尼娜背景下，強颱風嚴重影響嘅風險較高。預計2021年將會有5-8個颱風進入深圳500公里防禦圈。[1]
PAGASA：Auring
2月13號，一個熱帶擾動喺歐里皮克環礁西南方海域生成，美國海軍研究實驗室俾咗擾動編號91W。
2月15號下晝1點9，聯合颱風警報中心將佢嘅評級升到「中」。
2月16號夜晚8點，日本氣象廳將佢升為熱帶低氣壓。夜晚10點，聯合颱風警報中心將佢嘅評級提升到「高」，同埋對佢發布熱帶氣旋形成警報。
2月17號朝早8點，日本氣象廳對佢發布烈風警報。同一時間，台灣中央氣象局將佢升做熱帶性低氣壓，俾佢編號係TD01。下晝2時，聯合颱風警報中心將佢升為熱帶低氣壓，俾佢熱帶氣旋編號01W。
2月18號朝早8點，聯合颱風警報中心率先將佢升格為熱帶風暴。朝早11點，香港天文台同菲律賓大氣地球物理和天文管理局將佢升格為熱帶低氣壓同熱帶風暴。下晝2點，日本氣象廳將佢升為熱帶風暴，俾咗國際編號2101，同命名「杜鵑」。同時，台灣中央氣象局同中國國家氣象中心將佢升為輕度颱風同埋熱帶風暴。夜晚8點，香港天文台將佢升為熱帶風暴。
2月20號朝早8點，聯合颱風警報中心將佢降為熱帶性低氣壓。
2月21號下晝2點，聯合颱風警報中心第二次將佢升為熱帶風暴。
2月22號朝早8點，日本氣象廳將佢降為熱帶低氣壓。朝早11點，菲律賓大氣地球物理和天文服務管理局話杜鵑喺巴塔島登陸。
2月23號朝早8點，日本氣象廳喺天氣圖上面移除依個系統。
4月9號，一個熱帶擾動喺埃拉托環礁南面海域生成，美國海軍研究實驗室擾動編號係94W。
4月11號夜晚11點半，聯合颱風警報中心將佢評級升為「中」。
4月12號下晝2點，日本氣象廳將佢升為熱帶低氣壓。夜晚7點半，聯合颱風警報中心將佢評級升為「高」，同埋對佢發布熱帶氣旋形成警報。
4月13號朝早8點，日本氣象廳對佢發布烈風警報。同時，台灣中央氣象局將佢升為熱帶性低氣壓，編號係TD02。夜晚8點，聯合颱風警報中心將佢升為熱帶性低氣壓，給予熱帶氣旋編號02W。同時，香港天文台將佢升為熱帶低氣壓。
4月14號凌晨2點，日本氣象廳將佢升格為熱帶風暴，給予國際編號2102，同埋命名咗做「舒力基」。同時，台灣中央氣象局將佢升格為輕度颱風。朝早8點，香港天文台將佢升為熱帶風暴。朝早9點，聯合颱風警報中心將佢升格為熱帶風暴。
4月15號朝早8點，日本氣象廳將佢升格為強烈熱帶風暴。同時，香港天文台將佢升格為強烈熱帶風暴。
4月16號凌晨2點，聯合颱風警報中心先將佢升格為颱風。朝早8點，日本氣象廳將佢升格為颱風。同時，香港天文台亦將佢升格為颱風；台灣中央氣象局將佢升格為中度颱風。
4月17號凌晨2點，香港天文台將佢升格為強颱風，之後喺朝早8點再升為超強颱風。下晝2點，台灣中央氣象局將佢升格為強烈颱風。
4月20號下晝2點，香港天文台將佢降格為強颱風。夜晚8時，台灣中央氣象局將佢降格為中度颱風。
4月22號夜晚8時，香港天文台將佢降格為颱風。
4月23號下晝2點，台灣中央氣象局將佢降格為輕度颱風。下晝5點，香港天文台將佢降格為強烈熱帶風暴。夜晚8點，日本氣象廳將佢降格為強烈熱帶風暴；同時聯合颱風警報中心降格為熱帶風暴。
4月24號朝早5點，聯合颱風警報中心將舒力基轉化為副熱帶風暴。下晝2點，日本氣象廳將佢降格為熱帶風暴。同時，香港天文台將佢降格為熱帶風暴。
4月25號朝早5時，聯合颱風警報中心對佢發出最後警告。朝早8點，日本氣象廳將舒力基轉化為溫帶氣旋。朝早11時，香港天文台將舒力基轉化為溫帶氣旋。
4月27號，舒力基轉化為溫帶氣旋之後繼續向西北太平洋移動，同埋演變為爆發性氣旋，喺26號夜晚9點到27點凌晨3點氣壓急降20hPa，低到有945百帕斯卡。
5月26號，一個熱帶擾動喺薩塔瓦爾環礁南方海域生成，美國海軍研究實驗室給予擾動編號99W。
5月29號下晝2點，日本氣象廳將佢升為熱帶低氣壓。同一時間，聯合颱風警報中心將佢評級提升到「中」。
5月30號凌晨2點，聯合颱風警報中心直接將佢升為熱帶低氣壓，給予熱帶氣旋編號04W。朝早8點，日本氣象廳對佢發布烈風警報。同一時間，台灣中央氣象局將佢升為熱帶性低氣壓，給予編號TD04。
6月10號，一個熱帶擾動喺西沙群島東北方嘅海域形成，美國海關研究實驗室俾咗個搖動編號92W。
6月11號晏晝兩點，日本氣象廳將佢升格做熱帶低氣壓，並且發佈左烈風警報，台灣中央氣象局將佢升格做熱帶性低氣壓，俾咗編號TD05，中國國家氣象中心同埋香港天文台都跟住升格；同一時間，聯合颱風警報中心將佢嘅評語升到「中」。晏晝4:15，香港天文台對佢發出咗一號戒備信號。晏晝4:30，澳門地球物理暨氣象局對佢發出咗一號風球。夜晚八點，聯合颱風警報中心將佢個評語升到「高」，並且對佢發佈左熱帶氣旋形成警報。
6月12號朝頭早八點，聯合颱風警報中心將佢性格做熱帶低氣壓。晏晝兩點，日本氣象廳將佢性格做熱帶風暴，俾咗國際編號2104 ，並命名「小熊」。同一時間，台灣中央氣象局將佢升格做輕度颱風。晏晝2:10，香港天文台取消咗一號戒備信號。晏晝五點，香港天文台將佢升格做熱帶風暴。晏晝六點，澳門地球物理暨氣象局取消所有熱帶氣旋警告信號，同時將佢性格做熱帶風暴。夜晚八點，聯合颱風警報中心將佢升格做熱帶風暴。
6月13號凌晨兩點，聯合颱風警報中心將佢降格做熱帶性低氣壓。上晝五點，聯合颱風警報中心對佢發出最後警告。中國國家氣象中心表示小熊起上晝7:45前後喺越南清化省沿海登陸。上晝11點，香港天文台將佢降格做熱帶低氣壓。下晝兩點，日本氣象廳將佢降格為熱帶低氣壓。同一時間，台灣中央氣象局都跟着降級。夜晚八點，日本氣象廳喺天氣圖移除咗呢一個系統。同一時間，香港天文台將佢降級做低壓區。
1月18號，一個熱帶擾動喺菲律賓東南方海域生成，美國海軍研究實驗室俾咗擾動編號90W。夜晚8點半，聯合颱風警報中心將佢嘅評級升到「中」。
1月20號凌晨2點，日本氣象廳將佢升為熱帶低氣壓。朝早10點半，聯合颱風警報中心取消佢嘅評級。夜晚8點，日本氣象廳喺天氣圖上面移走依個系統。
3月14號下晝2點，日本氣象廳話一個熱帶低氣壓喺菲律賓庫約群島附近生成。
3月15號朝早8點，日本氣象廳將佢降為低壓區。
5月9號，一個熱帶擾動喺帛琉東南方海域形成，美國海軍研究實驗室畀佢擾動編號96W。
5月12號上晝6點，聯合颱風警報中心將佢嘅評級升到「低」。下晝2點，聯合颱風警報中心將佢嘅評級升到「中」。
5月13號凌晨1點，聯合颱風警報中心將佢嘅評級升到「高」，並對佢發布熱帶氣旋形成警報。上晝6點，聯合颱風警報中心將佢升格為熱帶性低氣壓，畀佢熱帶氣旋編號03W。同時，日本氣象廳將佢升格為熱帶低氣壓。上晝8點，日本氣象廳對佢發布烈風警報。中午12點，聯合颱風警報中心先將佢升格為熱帶風暴。夜晚8點，聯合颱風警報中心將佢降到熱帶低氣壓。
5月14號凌晨2點，日本氣象廳對佢取消烈風警報。下晝2點，日本氣象廳喺天氣圖上移除該系統。
5月15號上晝5點，聯合颱風警報中心對佢發出最後警告。
熱帶氣旋一旦喺西太平洋達到熱帶風暴強度，就會由日本氣象廳嘅颱風委員會命名[2]。用嚟命名嘅呢啲名係由14個成員國或者地區各提供10個，然後以各國英文名嘅首字母排序[註 1][3]。黑色體字表示今年已經用過，粗體名就表示呢個風暴活躍緊，未用嘅名就以灰色字體表示，橙色表示下一個將會用嘅名。2019年嘅風暴名可能會同2001年、2002年、2007年、2008年、2013年同2014年嘅部分風暴名一樣。
| 提供國家／地區 | 名稱 | ||||
|---|---|---|---|---|---|
| 柬埔寨 | 達維 | 康妮 | 娜基莉 | 科羅旺 | 翠絲 |
| 中國大陸 | 海葵 | 銀杏 | 風神 | 杜鵑 2101 | 木蘭 |
| 朝鮮 | 鴻雁 | 桃芝 | 海鷗 | 舒力基 2102 | 米雷 |
| 香港 | 鴛鴦 | 萬宜 | 鳳凰 | 彩雲 2103 | 馬鞍 |
| 日本 | 小犬 | 天兔 | 天琴 | 小熊 2104 | 蠍虎 |
| 老撾 | 布拉萬 | 帕布 | 洛鞍 | 薔琵 2105 | 軒嵐諾 |
| 澳門 | 三巴 | 蝴蝶 | 未定（之前係黃蜂) | 煙花 2106 | 梅花 |
| 馬來西亞 | 杰拉華 | 聖帕 | 鸚鵡 | 查帕卡 2107 | 莫柏 |
| 密克羅尼西亞 | 艾雲尼 | 木恩 | 森拉克 | 尼伯特 2108 | 南瑪都 |
| 菲律賓 | 馬力斯 | 丹娜絲 | 黑格比 | 盧碧 2109 | 塔拉斯 |
| 韓國 | 格美 | 百合 | 薔薇 | 銀河 2110 | 奧鹿 |
| 泰國 | 派比安 | 韋帕 | 米克拉 | 妮妲 2111 | 玫瑰 |
| 美國 | 瑪莉亞 | 范斯高 | 海高斯 | 奧麥斯 2112 | 洛克 |
| 越南 | 山神 | 高美 | 巴威 | 康森 2113 | 桑卡 |
| 柬埔寨 | 安比 | 羅莎 | 美莎克 | 燦都 2114 | 尼莎 |
| 中國大陸 | 悟空 | 白鹿 | 海神 | 電母 2115 | 海棠 |
| 朝鮮 | 雲雀 | 楊柳 | 紅霞 | 蒲公英 2116 | 尼格 |
| 香港 | 珊珊 | 玲玲 | 白海豚 | 獅子山 | 榕樹 |
| 日本 | 摩羯 | 劍魚 | 鯨魚 | 圓規 | 山貓 |
| 老撾 | 麗琵 | 藍湖 | 燦鴻 | 南川 | 帕卡 |
| 澳門 | 貝碧嘉 | 琵琶 | 未定(之前係蓮花) | 瑪瑙 | 珊瑚 |
| 馬來西亞 | 普拉桑 | 塔巴 | 浪卡 | 妮亞圖 | 瑪娃 |
| 密克羅尼西亞 | 蘇力 | 米娜 | 沙德爾 | 雷伊 | 古超 |
| 菲律賓 | 西馬侖 | 樺加薩 | 未定(之前係莫拉菲) | 馬勒卡 | 泰利 |
| 韓國 | 飛燕 | 浣熊 | 未定(之前係天鵝) | 鮎魚 | 杜蘇芮 |
| 泰國 | 山陀兒 | 博羅依 | 艾莎尼 | 暹芭 | 卡努 |
| 美國 | 百里嘉 | 麥德姆 | 艾濤 | 艾利 | 蘭恩 |
| 越南 | 潭美 | 夏浪 | 未定(之前係環高) | 桑達 | 蘇拉 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
