太平洋颱風季
From Wikipedia, the free encyclopedia
From Wikipedia, the free encyclopedia
太平洋颱風季（英文：Pacific Typhoon Season）係指一年內喺赤道以北同埋國際換日線以西嘅太平洋水域，包括南中國海[1]，所產生嘅熱帶氣旋嘅一段時間，係風季嘅一種。雖然而家氣象台冇定下任何颱風季嘅指定期限，但係大部份喺西北太平洋嘅熱帶氣旋通常都會喺5月至12月期間形成[2]。據香港城市大學嘅統計顯示，喺1950年至2000年期間，平均每年就大槪有31個熱帶氣旋產生，其中27個嘅風力達到熱帶風暴嘅程度，其中17個重達颱風嘅程度。
唔係一年內所有熱帶氣旋都計算入太平洋颱風季，太平洋颱風季只計算一年內（由西曆1月1號至12月31號，UTC）喺赤道以北及國際換日線以西嘅太平洋水域所產生嘅熱帶氣旋，赤道以北同埋國際換日線以東嘅太平洋水域[1]產生嘅風暴都會被稱為颶風。呢啲唔符合太平洋颱風季範圍嘅熱帶氣旋都可能會被列入：
喺西太平洋產生嘅熱帶風暴由日本氣象廳負責命名。另外，因為熱帶低氣壓嘅影響力不大，所以熱帶低氣壓都唔會被命名，但係反而以編號命名，並以W字母作為結尾，例如「熱帶低氣壓22W」。而凡進入或者喺菲律賓指定範圍內產生嘅熱帶氣旋（風力至少達熱帶低氣壓），菲律賓大氣地理天文部門（PAGASA）都會為佢哋訂立一套菲律賓名（2001年至2016年菲律賓颱風名稱列表），每四年再用過一次，時不時會為一啲名作出更改，為當地作警報用途，所以同一個風暴有時會出現兩個唔同嘅名，或者一個名會俾幾個風暴用。
通常，太平洋颱風季所產生嘅熱帶氣旋，喺西太平洋產生嘅熱帶氣旋，都可能會吹襲菲律賓或者台灣等，然後趨向中國東南沿岸，例如香港、澳門、廣東等，然後登陸中國大陸等內陸地區，類似例子有颱風鸚鵡[3]。
喺西北太平洋產生嘅熱帶氣旋，都可能會吹襲台灣或日本等，然後趨向中國東面沿岸，例如福建、廈門等，然後登陸內陸地區，類似例子有颱風鳳凰。
喺南中國海產生嘅熱帶氣旋，都可能會吹襲中國東南沿岸、海南島或越南等地區，然後登陸中國大陸等內陸地區，類似例子有熱帶風暴桃芝 (2007年)。
香港城市大學大氣研究實驗室曾經運用1950年至2000年嘅熱帶氣旋數量嚟統計平均數目，並計算出1950年至2000年嘅平均熱帶氣旋數目係31個熱帶氣旋，其中平均27個達到熱帶風暴程度，同埋17個達颱風程度[4]。
香港城市大學亦曾經就此為2008年太平洋颱風季作出熱帶氣旋數目嘅預計，當時預期2008年太平洋颱風季將有33個熱帶氣旋，其中有30個達熱帶風暴程度，19個達颱風程度。[4]。但實際上，2008年太平洋颱風季只有31個熱帶氣旋形成[5]，22個達熱帶風暴程度，11個達颱風程度。
美國國家海洋和大氣管理局喺2008年頭統計1971年至2007年太平洋颱風季所有熱帶氣旋嘅累積風力（Accumulated cyclone energy）。累積風力係指一年內所有颱風嘅中心風力嘅總數。統計後，該局得出結論：自1971年以嚟，1992年太平洋颱風季嘅累積風力最高，1977年太平洋颱風季則最低。[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
