呢篇文章講嘅係正式名稱係「廣州話」嘅香港通用語。想搵香港本土嘅粵語,請睇「
蜑家話」。想搵新界本土嘅粵語,請睇「
圍頭話」。想搵澳門本土嘅粵語,請睇「
石岐話」。
港澳粵語即係香港同澳門,粵語喺呢兩度都係最多人常用嘅語言,幾乎係人都識講粵語,香港人一般叫呢個語言做「廣東話」或「中文」。
香港粵語出名中英夾雜,係洋化咗嘅廣東話[1][2]。香港粵英文化薈萃,結合各地文化。英文喺香港比較普及,加上喺好長一段時間香港都係早過中國接觸外來嘅新事物,過去唔熟英文嘅市民都會用廣州話拼讀日常嘅英文詞彙,所以香港粵語嘅英文外來詞非常普遍。