聖約翰座堂
From Wikipedia, the free encyclopedia
From Wikipedia, the free encyclopedia
聖約翰座堂（St John's Cathedral）係香港一基督敎堂，喺中環花園道，門牌四到八號。堂歸香港聖公會香港島教區，係主教座堂。
聖約翰座堂笪地，開埠之時，係歸入英軍駐地。香港政府成立後，地係Chinese Secretary嘅寫字樓。佢西北無遠，係當時督憲府，一直上山見政府合署。
一八四一年，香港就係英國殖民地，然而遲遲未有國敎聖公會敎堂。其他天主敎堂、誓反敎各敎會堂、長老會敎堂、唐人廟宇、回敎寺都有齊，但係就係無聖公會敎堂。聖約翰座堂未起之前，敎眾都要喺蓆棚中做禮拜，咁引起敎眾不滿。
之後，香港政府批地畀英國聖公會。一八四七年，聖約翰座堂奠基。一八四九年起好同祝聖。座堂係香港最舊嘅西式教會建築物。地權上，係香港唯一不動產，由自己保有，卽英Freehold地。座堂主樓有三。座堂本身，一八四七年起成，係維多利亞時期，歌德式建築。副堂一九二四年落成，而新座寫字樓，一九五六年加建。聖約翰座堂道木門，取材自添馬艦（HMS Tamar）艦身。艦喺香港保衛戰時，英軍自行炸沉，以免落入日軍手中。
座堂係教區首堂，因該堂裏面置有主教座位。香港日治時期，拎來做日本人會所。而家教堂已評為香港法定古蹟，受法列保護。遊客亦到嚟觀光。為咗避免冷氣水氣，引致白蟻侵蝕，破壞古物古蹟，座堂無冷氣。座堂除咗有主教專用位，重有法政牧師同座堂牧師專用位，亦有英國殖民年代留落，鑄上英國王室徽號嘅會眾位，係留畀香港總督同英國王室用。皇室有時會途經香港，禮拜時畀佢哋坐。香港主權移交之前，座堂會掛英國旗，之後拆咗。目前座堂日日有崇拜。亦有早堂晚堂，而話有英國話、廣東話、普通話同菲律賓話都有。崇拜者，嚟自世界各地，係國際座堂。
一啲聖日，座堂有唱頌大聖餐禮，香港聖公會香港島教區、香港聖公會澳門傳道地區嘅按立聖職聖禮同班節，亦喺座堂搞。現任聖約翰座堂署理座堂主任牧師，卽英文Dean，係白嘉榮法政牧師，英文the Revd Canon David Pickering。佢自二零一二年三月廿六號，受命出任署理座堂主任牧師，直到八月新任座堂主任牧師謝子和法政牧師上任為止。
堂邊花園，有啲英軍紀念碑，亦有英軍葬喺度。
由於禮拜堂鄰近政府總部，所以每逢基督徒團體示威遊行，佢哋結束時，都會唔分宗派，包括天主教，到禮拜堂花園感恩禱告，然後解散。
| 香港聖公宗教堂 | |
|---|---|
| 香港聖公會 | |
| 香港島教區 | 聖約翰座堂同佢屬堂以馬內利堂、愉景灣堂、赤柱聖士提反堂．聖士提反堂．聖保羅堂．聖馬利亞堂．基督榮光堂．弘道堂．聖恩堂．主誕堂．聖雅各堂．聖路加堂．聖馬太堂．北角聖彼得堂．聖提摩太堂 |
| 東九龍教區 | 聖三一座堂同佢屬堂聖奧古斯丁小堂．基督堂．聖安德烈堂屬堂復活堂、沙田堂．聖匠堂．牧愛堂．聖馬可堂．聖十架堂．聖巴拿巴堂．救主堂．慈光堂．靈風堂．聖提多堂．聖智堂．聖道堂．施洗聖約翰堂．頌主堂．基樂堂．基督顯光堂 |
| 西九龍教區 | 諸聖座堂．聖安德烈堂．聖多馬堂．基愛堂．聖馬提亞堂．青山聖彼得堂．荊冕堂．聖約瑟堂．聖腓力堂．基督顯現堂．主愛堂．聖安堂 |
| 粗體係英語堂；斜體係華語堂；有底線係菲律賓語堂；黃底係非粵語堂；有框係教區成立後起同執．澳門聖公宗教堂一覽 | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
