天主敎

天主敎（粵拼：tin1 zyu2 gaau3；英文：Catholicism，形容詞 Catholic），又叫做公教（意思係 ｢普世宗教｣），係基督宗教嘅一支，通常指羅馬天主敎。Catholic（首字母大楷）呢個字嘅字根 catholic（首字母細楷）來自希臘文 καθολικός，意思係 ｢普世｣。所有天主教會都同羅馬天主敎會共融（承認羅馬敎宗），但只係羅馬天主敎用拉丁禮。

宗教系列 基督宗教

基督教史 基督教發展時序 耶穌基督 耶穌十二門徒 大公會議 大分裂 十字軍東征 宗教改革與更正教 中國基督教 中國基督教史

三位一體 聖父 聖子 (神學) 聖靈

基督教神學 基督教會 禮拜 聖恩 · 救贖 登山寶訓 十誡

聖經 舊約 新約 正典 次經 偽經 和合本修訂版

基督教派 天主敎 東正教 聖公宗 新教 東方正統教會 東方亞述教會 基督教運動

基督新教成形之後，天主教又叫基督舊教（減筆：舊教）。^[1]

名

天主教呢個名係自從明朝開始用，而家已經成為普遍嘅中文代詞（因為佢唔用上帝、神^{[註 1]}等詞彙嚟稱呼所信仰嘅天主，而只係用天主呢個詞）。喺基督宗教咁多個教會當中，羅馬天主教嘅信眾最多，全世界大概有11.3億，佔世界總人口 17%。

｢公教會｣ 嘅 ｢公｣ 原文起源於拉丁文嘅 catholicus，意思係 ｢普遍嘅｣，翻譯成為中文 ｢公｣ 係取自 ｢天下為公｣ 嘅 ｢公｣，因為天主教徒認為佢哋嘅教會係開放俾全部人嘅，而唔係特定個種族、階級，或者特定宗派嘅。

｢Catholicus｣ 呢個字喺教會分裂前已經出現，例如喺宗徒信經有 ｢聖而公教會（sanctam Ecclesiam catholicam）｣，尼西亞信經嘅尾二嗰句亦都有講 ｢（我信）唯一、至聖、至公、從宗徒傳下來的教會（Et unam, sanctam, cathólicam et apostólicam Ecclésiam）｣。呢個用法喺英文寫 catholic（首字母細楷），中文通常寫 ｢大公｣^[2] 或者 ｢普世｣。

羅馬天主教會

内文：羅馬天主教會

五世紀古羅馬東、西分裂以後，東羅馬帝國奉君士坦丁堡牧首為正宗，並演變成日後嘅東正教；而原首都羅馬保留的教廷，就成為咗分裂後西羅馬帝國嘅正宗，呢度就係 ｢羅馬天主教會｣ 呢個名嘅源由。

註

1. 喺天主教，｢神｣ 呢個字對應基督教嘅 ｢靈｣ 字。

參考

1. 〈辭典檢視 [舊教 : ㄐㄧㄡˋ ㄐㄧㄠˋ] - 教育部《重編國語辭典修訂本》2021〉。dict.revised.moe.edu.tw。喺2022-01-02搵到。
2. 《基督教聖經與神學詞典》 (第1版)。香港：漢語聖經學會。2003。頁 125。ISBN 962-513-250-3。