From Wikipedia, the free encyclopedia
維園六四燭光晚會(粵拼:wai4 yun2 luk6 sei3 juk1 gwong1 maan5 wui2、英文:Candlelight Vigil for June 4 Massacre)係香港一年一度嘅集會,由支聯會發起,每年6月4號挨晚,嚮銅鑼灣維多利亞公園球場集合。好似八九民運咁,唱《血染的風采》、《自由花》、《歷史的傷口》;嗌「追究屠城責任」、「釋放民運人士」、「結束一黨專政」口號。
1990年首次開有15萬人,家下每年有幾萬人參與,包括立法會議員。
呢年嘅主題係「六四廿年,薪火相傳」,五項目標係「釋放民運人士、平反八九民運、追究屠城責任、結束一黨專政、建設民主中國」,唱嘅歌有血染的風采、中國夢、自由花、二十年、祭英烈[1]。十五萬人坐滿維園足球場,要開埋草地同籃球場。
歷年香港維園六四燭光晚會參加人數
受技術問題影響,原先喺度嘅圖表暫時顯示唔到。 |
六四事件週年 | 年份 | 大會公佈人數 | 警方公佈人數 | 籌得款項 (港元)[2] |
大會年度主題 | 備註 |
---|---|---|---|---|---|---|
1週年 | 1990年 | 150,000 | 80,000 | (無紀)錄 | 釋放民運人士、平反八九民運、追究屠城責任、結束一黨專政、建設民主中國 | |
2週年 | 1991年 | 100,000 | 60,000 | (無紀錄) | 釋放民運人士 | |
3週年 | 1992年 | 80,000 | 28,000 | $ | 439,000釋放民運人士 | |
4週年 | 1993年 | 40,000 | 12,000 | $3,300,000 | 釋放民運人士 | |
5週年 | 1994年 | 40,000 | 12,000 | $ | 480,000我會來 | |
6週年 | 1995年 | 35,000 | 16,000 | $ | 569,000平反六四 | |
7週年 | 1996年 | 45,000 | 16,000 | $ | 74,200跨越九七 | |
8週年 | 1997年 | 55,000 | (冇公佈) | $1,974,000 | 戰鬥到底 | |
9週年 | 1998年 | 40,000 | 16,000 | $ | 676,000平反六四 | |
10週年 | 1999年 | 70,000 | (冇公佈) | $1,255,000 | 毋忘六四十周年 邁向民主新世紀 | |
11週年 | 2000年 | 45,000 | (冇公佈) | $ | 833,000薪火相傳 | |
12週年 | 2001年 | 48,000 | (冇公佈) | $ | 736,000教育下一代 接好民主棒 | |
13週年 | 2002年 | 45,000 | (冇公佈) | $ | 603,000年青一代 齊來參與 認識歷史 毋忘六四 | |
14週年 | 2003年 | 50,000 | (冇公佈) | $ | 760,000毋忘六四 反對廿三 | |
15週年 | 2004年 | 82,000 | 48,000 | $1,125,000 | 平反六四 還政於民 | 0708年雙普選被否決 |
16週年 | 2005年 | 45,000 | 22,000 | $ | 64,000以史為鑑 平反六四 | |
17週年 | 2006年 | 44,000 | 19,000 | $ | 617,000平反六四 支持維權 | |
18週年 | 2007年 | 55,000 | 27,000 | $ | 826,000平反六四 支持維權 | 早前民建聯主席馬力發表六四言論 |
19週年 | 2008年 | 48,000 | 18,000 | $ | 683,000同一世界 同一人權 同一夢想 平反六四 | 大會將紀念六四結合對汶川地震遇難者嘅哀悼。中國中央電視台就報導為「紀念四川地震活動」。 |
20週年 | 2009年 | 150,000[lower-alpha 1] | 62,800 | $2,100,000 | 毋忘六四 繼承英烈志 薪火相傳 接好民主棒 | 早前特首曾蔭權、陳一諤、呂智偉、詹培忠等發表六四言論 當晚集會人數暴增,係繼1990年以嚟首次場內參加人數達15萬;同時亦開展連續6年超過15萬人參加嘅紀錄 計埋未能入場市民,有20萬人,成為包括場外人數在內最高紀錄 喺無綫電視直播呢年燭光晚會時,有男子喺鏡頭前舉起「無綫新聞,事事旦旦」嘅紙牌,引起網民關注及討論[3]。 |
21週年 | 2010年 | 150,000[lower-alpha 2] | 113,000 | $1,410,000 | 毋忘六四 薪火相傳 平反六四 堅持到底;反對政治檢控 抗議政治打壓;釋放劉曉波 支持零八憲章[lower-alpha 3] | 六四晚會之前的幾天,支聯會民主女神像遭警方沒收 警方估計參加人數創歷年新高 |
22週年 | 2011年 | 150,000[lower-alpha 4] | 77,000 | $1,310,000 | 平反六四 革命尚未成功 建設民主 同志仍須努力 | 支聯會前主席司徒華逝世後首次晚會 中共為防茉莉花革命爆發而打壓維權人士 |
23週年 | 2012年 | 180,000 | 85,000 | $2,323,000 | 毋忘六四傳真相 民主潮流不可擋 | 畀坦克輾斷雙腿嘅民運人士方政到場參與 警方開放維多利亞公園足球場、草坪、音樂亭、籃球場及告士打道一條行車線畀公眾集會 大會公佈場內人數破紀錄 |
24週年 | 2013年 | 150,000 | 54,000 | $1,600,000 | 維園的六四燭光集會原定喺夜晚8點開始,但喺開始前15分鐘突然落大雨,因此晚會押後開始 之後由於雨勢過大,維園出現積水;再加上音響設備故障,因此集會進行約半個鐘後,大會宣佈提前結束 尖沙咀同時舉辦六四集會,人數喺200至1000人之間 | |
25週年 | 2014年 | 180,000[4] | 99,500[5][6] | $1,700,000[7] | 平反六四 戰鬥到底 | 內地維權人士滕彪、「坦克人」攝影師Jeff Widener到場參與 按大會公佈,參加人數平2012年創下的場內人數最高紀錄 維多利亞公園足球場、草坪、音樂亭及籃球場開放畀集會使用 尖沙咀亦舉辦六四集會,以「本土、民主、反共」為主題,人數喺3000至7000人之間。 |
26週年 | 2015年 | 135,000[8] | 46,600[9] | $1,340,000[10] | 全民團結爭民主 平反六四一起撐[11] | 2008年以來集會人數首次低於15萬。 |
27週年 | 2016年 | 125,000[12] | 21,800[12] | $1,740,000[13] | 平反六四 停止濫捕 結束專政 力爭民主[14] | 五區同時舉辦了六四集會,以「本土、民主、反共、建國」為主題,人數在1000至5000人之間。 |
28週年 | 2017年 | 110,000[15] | 18,000[15] | $1,410,000[16] | 平反六四 結束專政[17] | 期間黎智英涉嫌恐嚇及粗口辱罵《東方日報》記者[18][19],但黎到而家都未被檢控。 |
29週年 | 2018年 | 115,000[20] | 17,000[21] | $1,480,000[16] | 悼六四 抗威權[22] | |
30週年 | 2019年 | 180,000[23] | 37,000[24] | $2,750,000[25] | 人民不會忘記—平反六四!公義必勝![26] | 時值香港特區政府提出備受爭議嘅「逃犯條例修訂草案」,而支聯會亦於晚會舉行前一個星期日例行遊行中高呼反修訂逃犯條例口號[27]。 |
31週年 | 2020年 | (冇公佈) | (冇公佈) | $792,900[28] | 真相.自由.生命——抗爭 | 受武漢肺炎香港疫情影響,警方31年來首次禁止集會。 |
32週年 | 2021年 | 為自由 共命運 同抗爭 | 警方再次以武漢肺炎疫情為由禁止集會,並派出3000名警員封鎖維園,部份組織同市民改喺銅鑼灣、旺角以及多區以遍地開花方式悼念六四。 |
支聯會估計當日燭光晚會約有15萬人出席,香港警務處指有6萬2千8百人,兩者數據差距超過一半。支聯會副主席蔡耀昌解釋,警務處曾經向佢哋表示6個足球場連通道若果爆滿,可以容納接近10萬人,連同草地、籃球場同廣場都爆滿,支聯會於是估算總數為有15萬。
《星島日報》根據場地面積同每人佔用面積推斷計算,得出出席人數介乎7萬至10萬。《星島日報》以科學化方式作出推斷計算,當晚出席者坐滿維多利亞公園6個足球場(包括四周通道),從地圖上作出量度,6個足球場連同四周同中間通道,最寬鬆估計面積約為4萬平方米,假設每人以坐姿算佔用空間為1平方米,坐滿6個足球場就有4萬人;假若以每人佔用0.7平方米計,坐滿6個足球場就有5萬7千人。連面積相當於3個足球場草地、籃球場及噴水池所在嘅廣場,寬鬆估計總共最多有5個足球場嘅面積,參加人數總數應該介乎7萬3千至10萬4千人。
向來有就七一遊行人數進行統計嘅香港大學統計及精算系高級講師葉兆輝認同上述嘅推斷計算方法,表示一般計算一個人坐低佔用空間相當於1平方米,以0.7平方米計算,場面已經非常擠擁;佢話難以睇到6個足球場連通道能夠容納10萬人嘅可能性;香港大學社會科學研究中心主任白景崇根據香港有線新聞喺集會四周多角度拍攝嘅影片,大部分人手持1支蠟燭,少部分手持兩支,少部分冇,亦估計人數為介乎7至10萬;佢認為警務處低估人數,主辦單位高估人數。
源自運輸機構消息透露,警務處喺晚會舉行前晚曾經向運輸機構提供嘅人數預算同公開統計數字一致。警務處消息人士稱,過去曾經喺維多利亞公園足球場做實驗,安排警務人員企立或者坐低,以計算該小幅面積喺鬆動、適中同擠逼嘅情況下所可以容納嘅人數,再計算足球場嘅面積,以推斷估算若果以站立姿勢計算,一個足球場最多可以容納約9千人,如果坐低計算,就最多可以容納約7千人[29]。
六四三十週年,參與人士除咗佔滿維園六個足球場同草地,天后港鐵站一帶更出現「蛇餅」,市民要排隊等候入場[30]。支聯會因此估計參加人數超過18萬人,不過警方公佈嘅數字得3.7萬[31],兩者相差達八成。警方嘅數字引起質疑係「有政治目的」,有意為反送中大遊行降溫[32]。
民陣前召集人兼立法會議員區諾軒表示,過往曾多次就七一遊行、維園草坪及附近一帶可容納人數,同警方討論。警方過去嘅估算係指單喺中央草坪,未計維園6個硬地足球場,已可容納3萬2千人,佢質疑警方嗰晚嘅估算離譜[33][34]。支聯會秘書李卓人唔評論警方公佈嘅數字,指出「香港人心中有數」[32]。亦有網民對比2017年嘅太子警察體育會撐警集會,認為體育會面積比維園細得多,但警方就指出席人數為3.3萬,實乃「報細數」[35]。
警方發言人表示點算集會人數嘅方法係喺集會進行期間,派員係多個高點觀察,以及點算某一時段喺唔同區域所聚集嘅人數。評估只係「粗略估計」,用途係因應情況實施人群管理措施同調派人手資源[32]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.