![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7e/Chess_piece_-_White_king.jpg/640px-Chess_piece_-_White_king.jpg&w=640&q=50)
王 (國際象棋)
國際象棋 / From Wikipedia, the free encyclopedia
王(英文:king,符號:♔、♚)係國際象棋嘅棋,係最緊要嘅棋,逼死對方嘅王係遊戲嘅最終目標。喺英文地方,代數記譜法入面會用字母K嚟代表王,係「king」嘅第一個字母,不過喺西班牙文、葡萄牙文地方,就用R嚟代表,因為係「西班牙文:rey」或者「葡文:rei」嘅第一個字母。因為王係唔可以用嚟交換,所以用呢個角度睇佢嘅相對價值係無限大;不過有啲棋手就根據佢嘅機動性、安全同殘局入面嘅戰鬥力,定佢嘅相對價值為2至4分,大約等於一隻騎士或者主教(約3分)。
喺成局棋局入面,一個棋手行完一步之後王唔可以係被人攻擊緊。即係話如果原本王被人攻擊嘅話,棋手喺呢一步一定要令王脫離被人攻擊嘅狀態,如果無任何符合規則嘅行法可以令王脫離攻擊,就謂之被人將死(checkmate)。喺平時同屋企人、朋友捉棋嘅時候,好多人會喺攻擊對手嘅王嘅時候嗌「將軍!」(Check!)或者將死對手嘅時候嗌「將死!」(Checkmate!),喺FIDE規則入面,呢個行為唔係必需嘅,不過亦都無禁止。
王嘅行法係橫直斜行一格。如果王未郁過,再加上一啲條件嘅話,就可以行一種特別嘅行法,叫入堡(王車易位)。
呢篇文用代數記譜法嚟記錄步法。