淡米爾文
達羅毗荼語種 / From Wikipedia, the free encyclopedia
淡米爾文(粵拼:daam6 mai5 ji5 man4*2;淡米爾文:தமிழ்,拉丁轉寫:tamiḻ,國際音標:[t̪ɐmɨɻ])[註 1],係南印度嘅一種話,屬達羅毗荼語系,係淡米爾人嘅民族語言,字母由梵文演變出來。淡米爾文喺2011年約莫有7,000萬人用緊,係世界第18大語種。
Quick Facts 淡米爾文, 發音 ...
淡米爾文 | ||||||
---|---|---|---|---|---|---|
தமிழ் | ||||||
發音 | /t̪ɐmɨɻ/ | |||||
用嘅國家、地區 | 印度(淡米爾納德邦、本地治里) 斯里蘭卡 | |||||
講嘅人口 | 6,900萬(2011年)[1] L2:800萬人[2] | |||||
排名 | 第18名。同德文、越南文、烏都文接近。 | |||||
系屬 | ||||||
文字 | 淡米爾字母 | |||||
官方地位 | ||||||
官方語言 | 斯里蘭卡 星加坡 印度淡米爾納德邦、本地治里(同時係印度國家語言) | |||||
管理機構 | 淡米爾納德邦政府同啲學會 | |||||
語言代碼 | ||||||
ISO 639-1 | ta | |||||
ISO 639-2 | tam | |||||
ISO 639-3 | tam | |||||
| ||||||
Close
淡米爾文係世界上最古老嘅古典語文之一[3][4],至今重用緊。根據印度憲法第八附則規定,淡米爾文係印度22種國家語言之一(scheduled languages),有近似印地文嘅官方地位,響淡米爾納德邦、本地治里聯邦屬地則係正式官方語言。同時喺斯里蘭卡同星加坡都係法定語言。而喺馬來西亞、星架坡呢啲地方,淡米爾話係南印度裔主要講嘅話[5][6]。喺呢兩個地方,啲學校將淡米爾文認證爲有學術價値嘅語文,亦有淡米爾文堂,譬喻馬來亞大學揀得嘅課程中就有淡米爾文課,係呢間學校唯一揀得嘅印度語言課程[7]。同時淡米爾文係馬來西亞高等教育文憑四門語文科之一(四門語文科任揀一門去考,有馬來文、中文、阿拉伯文、淡米爾文)[8]。2004年,印度政府(中文:印度政府)宣佈淡米爾文係古典語文,係第一隻俾當地政府宣佈係古典語文嘅印度語言。
淡米爾文係區別元音長短嘅語言。淡米爾(தமிழ்,Tamiḻ)呢個名稱,有講法話係達羅米拉(த்றமிழ,Dramiḻa;源自達羅毗荼,த்றவித,Dravida)嘅變化形。淡米爾(தமிழ்,Tamiḻ)呢個單詞本身有「甜美」嘅意味。
同淡米爾文關係比較親嘅係馬拉也林文,亦係屬達羅毗荼語系,不過馬拉也林文借用咗好多梵文詞,相對來講,淡米爾文少噉啲梵文,所以喺辭彙上隔開咗呢兩隻話,雙方都無咁易聽明對方講乜。