From Wikipedia, the free encyclopedia
蔬菓汁（英文：Juice）係嘢飲一種，係用新鮮生菓或者蔬菜榨出來嘅汁，用生菓嘅叫菓汁（英文：Fruit Juice）；用蔬菜嘅叫蔬菜汁（英文：Vegetable Juice），當中以前者比較常見。種種蔬菓汁含有唔同嘅營養，例如維他命同礦物質等，坊間視爲健康有益，不過佢無生菓有嘅纖維素，而糖分過高，所以亦唔係咁健康。
整蔬菓汁分為濃縮菓汁、濃縮還原菓汁同非濃縮還原菓汁。其中濃縮還原蔬菓汁最為常見，用濃縮蔬菓汁，按照比例加水同其他配料，非濃縮還原蔬菓汁，即係鮮榨蔬菓汁，質量至高，但保存唔耐，價錢最貴。
蔬菓汁用機械擠榨，或者壓榨新鮮菓菜出來，唔使高溫或溶解劑。例如，橙汁就壓榨汁液，樹上熟嘅橙就可以榨。蔬菓汁唔一定要廠制，屋企用手榨，或者用榨汁機榨都得。
廠造蔬菓汁，通常去咗纖維同菓肉，但新鮮橙汁富橙肉先係流行飲品。蔬菓汁通常賣濃縮，有時係雪藏，要飲者加水，令汁恢復到佢「原本狀態」。之但係，濃縮蔬菓汁嘅味道，同新鮮壓榨比，明顯唔同。
加工蔬菓汁要保存，方法有入罐、加熱殺菌、冷凍、脫水濃縮同噴霧乾燥。
飲蔬菓汁係因為佢對健康有益。例如，橙汁中含有豐富嘅維他命C、葉酸同鉀，係非常多抗氧化植物化學物質來源，改善患有高血膽固醇人群嘅血脂。李汁幫助消化。越橘汁能夠預防甚至治療膀胱感染，而家越橘有種物質，可以防止細菌黐住膀胱。
歐洲、澳洲、紐西蘭同美國，近年多咗人買蔬菓汁[2]，或者係近年多人關心健康，重視蔬菓汁營養對身好。事實上，飲蔬菓汁確實降低咗罹患癌症嘅風險[3][4][5][6][7][8][9][10][11]，而且阻慢患上老人痴呆症[12]。
與此同時，人亦質疑蔬菓汁比起新鮮生菓菜蔬，營養無咁好，皆因蔬菓汁製造過程，搞到缺少纖維素。而時時飲蔬菓汁同高菓醣糖漿，會易啲患二型糖尿病。飲蔬菓汁太多，亦會容易肥[13]，之不過適量噉飲，仍可補充生菓中營養素同熱量嘅建議攝取量[14][15]。
各國家流行規定蔬菓汁純度，佔生菓百分之幾，先叫得【蔬菓汁】。
美國與英國，百分之百純蔬菓汁，先畀叫蔬菓汁，否則係唔合法。但係，由於濃縮汁經復原後嘅蔬菓汁，都仍可叫蔬菓汁。生菓嘢食定義，唔同種類生菓蛋糕，要有四分之一到一半係蔬菓汁。若然蔬菓汁或生菓嘢食中，有濃縮成分，必定要講明。喺法例之中，並無對「蔬菓汁飲料」一詞嘅規定，並且佢可以用來描述任何飲品，包括只含有一啲蔬菓汁嘅飲料。歐洲各國，各自有類似規定。
美國其他成分混合嘅，好似加高菓醣粟米糖漿，要叫做混合蔬菓汁或係蔬菓汁飲料。按食品及藥品管理局規定，「生菓飲品」一字，一般受落，國際貿易，稀釋過嘅蔬菓汁，亦即係話呢種飲品包含蔬菓汁或生菓泥、水，有啲可能包含人工甜味劑。
新西蘭同澳洲，以及甚他一啲地方，蔬菓汁係添加過甜味劑嘅蔬菓汁，而生菓飲品就表示嘅係純嘅生菓或蔬菜汁。
蔬菓汁營養標籤易誤導人，蔬菓汁公司特登隱瞞佢真實成分。商標上通常印有「無添加糖」，但係產或者含有大量本身產生嘅糖分；然而，喺好多國家，糖分嘅含量同其他醣，營養標籤上係列入同一類嘅。
一啲碳酸飲品，其中雖然含有蔬菓汁，但係冇列明，例如激浪（Mountain Dew）中，就有橙汁。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
