德育及國民教育科
From Wikipedia, the free encyclopedia
德育及國民教育科係一個香港特別行政區政府曾經建議強制開展嘅科目,於2012年9月新學年開展課程,稱為三年開展期,所有小一至中六學生都要讀。喺數以十萬計嘅香港人連續喺政府總部外嘅廣場示威同絕食抗議下,政府取消咗三年關展嘅期限,而學校亦可以自行決定係咪關展科目,但係政府始終唔肯撤回科目。政府聲稱呢個學科旨在「透過提供持續及有系統嘅學習經歷,培育學生正面嘅價值觀同態度,幫助佢哋養成良好品德同國民[注 1]質素,從而豐富生命內涵,確立個人喺家庭、社群、國家同世界範疇嘅身份認同[1]。」但係反對嘅人認為呢一個科目係用嚟政治洗腦嘅,因此一定要完全撤回。
呢篇文 嘅引用部分需要清理。 |
篇文原碼唔知因乜事有好多多餘空格,麻煩幫手清理。 |
課程設有校內評核,同埋公佈全香港平均分俾學校檢討成效,並且以「國民教育內地學習及交流活動資料庫」記錄學生喺小至中學階段內嘅活動,教育局可能會將上述資料轉交畀學生將來升學或轉讀嘅學校[2]。
喺2012年9月8號前,教育局曾經計劃將佢列為必修科,喺2012年9月新學年開展課程,稱為「三年開展期」,香港行政長官梁振英重話,學校可以決定喺今年、下年(2013年)或者後年(2014年)推行,畀反對人士話係「先推行後檢討」。同年9月8號,梁振英宣布取消德育及國民教育科「三年開展期」嘅規定,改為由學校自行決定係咪開辦國民教育科同佢嘅教學方式,而開展科目嘅53萬文津貼維持不變[3]。
此學科引起咗香港社會嘅廣泛關注和質疑,反對者則指《香港基本法》以永久性居民定義香港人而毋係「國民」,批評《課程指引》內容偏頗、注重「情感」觸動[4]、剝奪學校自主強制推行,為洗腦教育;因而發起咗多次嘅活動,例如街站、聯署、遊行、集會同絕食等,要求香港政府撤回德育及國民教育科。另外,對於教材同課程開展,行政長官梁振英曾經重申:教材由學校訂製,冇強制官方教材。梁指香港市民擔心嘅係當代國情課程,大概佔成個課程嘅二十分之一,如果略掉國家部分似乎會造成斷裂[5][6]。教育局喺9月10日抽起當代國情部分,重話會盡快檢討課程指引中引起爭議嘅「情感層面」評估等[7]。而引起廣泛爭議嘅寫有中國共產黨係「進步、無私與團結嘅執政集團」嘅《中國模式國情專題教學手冊》,雖然係教育局資助出版,但並毋係國民教育科嘅指定教材。