![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/ca/Tsou_youth_of_Taiwan_%2528pre-1945%2529.jpg/640px-Tsou_youth_of_Taiwan_%2528pre-1945%2529.jpg&w=640&q=50)
Tsou-cho̍k
From Wikipedia, the free encyclopedia
Tsou (Tsou-cho̍k) sī Tâi-oân ê 1-ê goân-chū-bîn-cho̍k. Mā siá-chò Cou. Cou tī in ê gí-giân lāi-té, tō-sī "lâng" ê í-sù.
![Thumb image](http://upload.wikimedia.org/wikipedia/commons/thumb/c/ca/Tsou_youth_of_Taiwan_%28pre-1945%29.jpg/640px-Tsou_youth_of_Taiwan_%28pre-1945%29.jpg)
Tsou-cho̍k iok-kî-lio̍k ē-tàng hun-chò Pak Tsou-cho̍k kap Lâm Tsou-cho̍k. Pak-tsou-cho̍k sī kóng khiā tī A-lí-sán (阿里山) ê cho̍k-kûn, nā Lâm-tsou-cho̍k sī khiā tī Ko-hiông-chhī Thô-goân-khu ê Saalua-cho̍k kap Namasia-khu ê Kanakanavu-cho̍k. Ki-pún-siōng Lâm-tsou-cho̍k chit-2 kûn ê gí-giân, hong-sio̍k kap chè-lé téng-téng bûn-hòa hiān-siōng kap Pak-tsou-cho̍k lóng ū chiâⁿ-tōa ê cheng-chha. Chia 2 cho̍k hiòng chèng-hú cheng-chhú tē-ūi, āu-bóe Tiong-hoa Bîn-kok chèng-hú chāi i tēng-gī ê goân-chūn bîn-cho̍k lāi-bīn, chiong Lâm Tsou-cho̍k ê Saalua kap Kanakanavu tùi goán-lâi Tsou hia hun--chhut-lâi.
Pak-tsou-cho̍k pún-té ū A-lí-sán tē-khu ê Tfuya, Tapaytt, Inutsu kap Lâm-tâu-kōan Sìn-gī-hiong (信義鄉) Kú-bí-chhun (久美村) ê Luhtu chit-4-ê siā. Chit-4 siā lāi-té ê Inutsu tī 1910-nî-tāi í-keng hòe-sak, nā Luhtu-siā mā in-ūi Ji̍t-pún-lâng kā Bunun-cho̍k chhian-sóa khì hia, choaⁿ-á cho̍k-lâng lú lâi lú chió, jî-chhiáⁿ bān-bān-á sit-khì ka-tī ê bûn-hòa, só͘-í hiān-chhú-sî Pak-tsou-cho̍k tōa-hūn kan-taⁿ kóng Tfuya kap Tapaytt chit-2 siā.
Jîn-kháu lâi khòaⁿ, Tsou-cho̍k-lâng tōa-hūn tòa tī A-lí-sán ( Ka-gī-kōan A-lí-san-hiong ), koh lâi sī Ko-hiông-chhī ê Namasia-khu. Kah 2003-nî ê thóng-kè, lóng-chóng ū 4,000-gōa lâng.