პლასიდო დომინგო
From Wikipedia, the free encyclopedia
ხოსე პლადისო დომინგო ემბილი, (ესპანური წჷმოთქუალა: [xoˈse ˈplaθiðo doˈmiŋɡo emˈbil]; დ. 21 ღურთუთა, 1941),[1], ჩინებული, მუჭოთ პლასიდო დომინგო (ესპ. Plácido Domingo) — ესპანარი ტენორი დო დირიჟორი. დინოჭარილი აფუ ოშშე უმოსი რსული ოპერა დო გიშარჩქინელი რე მიარე ნინაშ რჩქინათ დო თე ნინეფშა არიეფიშ რსულებათ. თიშით გოსახიარაფილი ოტელო არძაშე აღიარაფილო იკოროცხუ.[2][3] 2010-იანეფიშ დაჭყაფუს თიქ თაშნეშე ბარიტონული პარტიეფიშ რსულება დიჭყჷ. ედომუშამო რსულებური აფუ 147 როლი. თაშნეშე მოსოფელს წჷმოძინა მიპალუ, მუჭოთ ართ-ართ სუმი ტენორიშე, ნამუეფს შქას თაშნეშე რდეს ხოსე კარერასი დო ლუჩანო პავაროტი. თე აკოდგინალუათ სუმელა ბორჯიშე ბორჯშა გიშმეშჷ 1990 წანაშე. თონეფიშ სადებიუტე საკონცერტე ალბომქ არძა ბორჯიშ არძაშე გიმოჩამაფონ კლასიკურ ალბომო გჷნირთჷ.[4][5]
პლასიდო დომინგო Placido Domingo | ||
---|---|---|
| ||
ბიოგრაფია | ||
თახმი ჯოხო | ხოსე პლასიდო დომინგო ემბილი José Plácido Domingo Embil | |
დებადჷ | 21 ღურთუთა, 1941 (1941-01-21) (83 წანერი) | |
დაბადებაშ აბანი | მადრიდი, ესპანეთი | |
ბადებაშ აბანი | ესპანეთი მექსიკა | |
ჟანრ(ეფ)ი | ოპერა | |
საქვარუა | ოპერაშ მობირე | |
ობირეში ხონარი | ტენორი | |
აქტიური | 1959 — ასეშა | |
ვებ-ხასჷლა | ოფიციალური ვებ-ხასჲლა |
პლასიდო დომინგოს, 2010 წანაშ 25 გერგობათუთას, ბათუმს მანჯაფილჷ კონცერტის მარგალურ ნინაშა არსულუ მარგალური ბირა — „მარგალური ნანა“ (ქორთ. მეგრული ნანა). [6]