ბათუმი
From Wikipedia, the free encyclopedia
ბათუმი — ნოღა საქორთუოს, აჭარაშ ავტონომიურ რესპუბლიკაშ ადმინისტრაციული ცენტრი. ნოღაშ სტატუსით რგებაფულენს 1878 წანაშე. ოხორანს 152 839 კოჩი (2014)[6].
ბიწორი ფაქტეფი
ნოღა
ბათუმი
|
კილუა
ბათუმიშ შხუ ოერეფოშქარე ონიშოლი რე უჩა ზუღაშ ობჟათე-ბჟაეიოლ წყარპიჯის, ბაქო-ბათუმიშ რკინაშშარაშ დო ნავთობსადენიშ ბოლო პუნქტი დო ოავტომობილე შარეფიშ ნოსქვი. ნოღა ეგაფილი რე ტომბა, ჯგირო თხილერი ორთაშობური ონიშოლიშ ბათუმიშ ჸუჯიშ წყარპიჯის. იდვალუაფუ ზუღაშ დონეშე 5 მეტრაშ სიმაღალას, ქართიშე 350 კმ-თ (რკინაშშარათ).
ნოღა გინოზინდილი რე ოორუე-ბჟაეიოლშე ობჟათე-ბჟადალშა 7 კილომეტრის. სიგანა რე 1-2,5 კმ. 1937 ჰექტარშე განაშენიანებული რე 1300 ჰა-შ უმოსი. ბათუმიშ ჯინჯიერი ნორთი ობჟათეშე გოუძჷ ჸუჯიშ ოორუე-ბჟაეიოლშე — წყარმალუეფიშ ბარცხანიშ დო ყოროლისწყალიშ მანგის.