Marvel-იშ კინოოქიანუ
From Wikipedia, the free encyclopedia
Marvel-იშ კინოოქიანუ (ინგლ. Marvel Cinematic Universe) — ამერიკული მედია ფრენჩაიზი დო გუმოგონილი ოქიანუ Marvel Comicsშ სუპერგერგეზეფიშ გეშა. ოქიანუ ჯინჯიერო გუმოშინანა Marvel Studios-შ დუდიშულო გინოღალირი ფილმეფს, მორო ხოლო იკათუანს კომიქსეფს, კუნტამეტრაჟამი ფილმეფს დო ოტელევიზიე სერიალეფს. ფიქციური ოქიანუ, თეში მუჭოთ მარველიშ ოქიანუ კომიქსეფს, დოგაფილი რე შხვადოშხვა ისტორიეფს დო პერსონაჟეფიშ გინოკვათუათ. კლარკ გრეგი ფილ კოლსონიშ როლს ფრენჩაიზიშ არძაშე უმოსი ნახანდის გიშარჩქინდჷ.
ორიგინალური ნახანდი | რკინაშ კოჩი (2008) |
---|---|
გიშაშქუმალეფი | |
კომიქსეფი | მარველიშ კინოოქიანუშ კომიქსეფი |
ფილმეფი დო ტელევიზია | |
ფილმეფი | მარველიშ კინოოქიანუშ ფილმეფი |
ოტელევიზიე სერიალეფი | მარველიშ კინოოქიანუშ ტელესერიალეფი |
ოქიანუშ მაართა ფილმი, რკინაშ კოჩი, 2008 წანას გიშართჷ, მუთით დიჭყჷ ფილმეფიშ მაართა ფაზაქ, ნამუქჷთ 2012 წანას გეთუ თიში პერსონაჟეფიშ გინმაკვათუ ფილმით, ნჯარიშ ეშმაღალარეფი. მაჟირა ფაზაქ დიჭყჷ 2013 წანას რკინაშ კოჩი 3-ით დო გეთუ 2015 წანას ბუტუტია-კოჩით. მარველქ მასუმა ფაზა დიჭყჷ 2016 წანას ფილმით კაპიტანი ამერიკა: ონოთერი ლჷმა. Marvel Television-ქ ხოლო გუძინჷ ფრენჩაიზი „ჭიჭე ეკრანს“ ტელესერიალეფით ABC-ს დო Netflix-ს. მარველიშ კინოოქიანუ ხოლო იკათუანს მერცხუაფილი კომიქსეფიშ სერიას დო Marvel One-Shots კუნტამეტრაჟამი ფილმეფიშ სერიას.
ფრენჩაიზი გიშიგორუ შხვადოშხვა მედიაშ ნახანდეფიშ წუმოძინელი კათუათ საწილო ოქიანუს, მორო კრიტიკოსეფიშ არზით კანკალე ფილმიქ ვარდა სერიალქ ათეშ გეშა იგავალჷ. თიში გაულათ შხვა სტუდიეფქჷთ ცადეს კომიქსეფიშ პერსონაჟეფიშ ოკათუერი ოქიანუ უღოლამუდესკონ.