რკინაშ კოჩი 3
From Wikipedia, the free encyclopedia
რკინაშ კოჩი 3 (ინგლ. Iron Man 3, სტილიზებული, მუჭოთ Iron Man Three) — 2013 წანაშ ამერიკული სუპერგერგეზული ფილმი, ნამუსით მოთხობილი რე Marvel Comics-იშ პერსონაჟ რკინაშ კოჩიშ დუდსგინულირეფი. ფილმიშ პროდიუსერი რე კევინ ფაიგი (Marvel Studios). დისტრიბუტორი რე Walt Disney Studios Motion Pictures. თინა რე ფილმეფიშ რკინაშ კოჩი დო რკინაშ კოჩი 2 გაგინძორება დო მაშქვითა ფილმი Marvel-იშ კინოოქიანუშ ციკლის, რანწკით მაართა ჯინჯიერი ფილმი 2012 წანაშ წუმოძინელი ნჯარიშ ეშმაღალარეფიშ უკული. ფილმიშ სცენარიშ ავტორეფი რენა შეინ ბლეკი დო დრიუ პირსი. ამბე ნორთობულო ირსხუაფ კომიქსიშ „Extremis“ სიუჟეტის, ნამუთ უორენ ელისის ორხველ. ჯონ ფავრო, მაართა ჟირი ფილმიშ რეჟისორი, ფილმიშ ემაჸონაფალი პროდიუსერი რე. ტონი სტარკიშ როლს კინ არსულენს რობერტ დაუნი უკლაში.
რკინაშ კოჩი 3 | |
ფაილი:Iron man three ver71.jpg | |
ჟანრი: |
სუპერგერგეზული ფილმი |
---|---|
რეჟისორი: |
შეინ ბლეკი |
პროდიუსერი: |
კევინ ფაიგი |
სცენარიშ ავტორი: |
შეინ ბლეკი |
თარ როლეფს: |
რობერტ დაუნი უკლაში |
მონტაჟი: |
ჯეფრი ფორდი |
კინოსტუდია: |
Marvel Studios |
გჷშულაშ თარიღი: | |
ქიანა | |
ნინა: | |
მუშნალი: |
$ 1.2 მილიარდი |
წოხოლენი: |
ფილმიშ რკინაშ კოჩი 2 2010 წანაშ მესის გიშულაშ უკული ფავროქ გინოჭყვიდჷ რეჟისორიშ სახეთ ვედირთუკო, ათეშენ 2011 წანაშ ფურთუთას პროექტს მიარცხუ ბლეკიქ, ნამუსით ოკო უთირუდკო სცენარი დო ფილმი გინუღალუდკო. 2012 წანაშ პირელს დო 2012 წანაშ მესის იჸუ ფილმიშ არტისტეფიშ ბუნაქ. კინგსლიქ, პირსიქ და ჰოლიქ გიაძინეს თარი როლეფიშ რსულებას. გინოღალა დიჭყჷ 2012 წანაშ 23 მესის, უილმინგტონს (ოორუე კალიფორნია). გეძინელი გინოღალეფი მიშჷ ფლორიდას, ჩინეთის დო ლოს-ანჯელესის. ფილმიშ ვიზუალური ეფექტეფი ღოლუ მუსხირენ კომპანიაშე, თინეფ შქას რდეს Scanline VFX, Digital Domain დო Weta Digital.
რკინაშ კოჩი 3 გინოჸონაფილქ იჸუ 3D ფორმატის წარმებულ უკულიან პერიოდის. თიში პრემიერაქ იჸუ პარიზის, 2013 წანაშ 14 პირელს, თეატრის Grand Rex ოერეფოშქაშე პრემიერაქ იჸუ 2013 წანაშ 25 პირელს IMAX-ის. 2013 წანაშ 3 მესის ფილმიქ გიშართ ააშ-ს.