From Wikipedia, the free encyclopedia
Android — ლინუქსის გერსხილი ოპერაციული სისტემა, ნამუთ მუშენს სმარტფონეფს, ტელევიზორეფს, სათეფს, მანქანეფს დო პლანშეტურ კომპიუტერეფს. აკიქიმინჷ გუგლიშ ფინანსური ალარინათ, 2005 წანას - თინა კინ მუ გუგლიქ ქიჸიდჷ.[3] ანდროიდიშ სისტემათ მომუშე მაართა ტელეფონი რდჷ HTC Dream, ნამუთ 2008 წანაშ გჷმათუთაშ გიშართჷ გიმაჩამშა.[4] ამდღა ანდროიდიშ არძა აპლიკაცია აკოშაყარელი რე Google Play-ს. 2012 წანას აპლიკაციეფიშ მუდანობა 700000 რდჷ, გინოჭარუეფიშ მუდანობა - 25 მილიარდის მითმიოჭირინუანდჷ. ამდღარშო ანდროიდი არძაშე ფართოთ გოფაჩილი ოპერაციული სისტემა რე ედომუშამ მოსოფელს. 2012 წანას, თიში საბაზრო წილი 75% რდჷ. ასე ანდროიდიშ სისტემას მოხანდე ელექტრო მონწყილობეფს ორთუ მუსხირენი ჩინებული კომპანია: HTC, სამსუნგი, Google Nexus, სონი, ჰუავეი დო თ.უ.
Android | |
---|---|
UNIX-იშ მოგვენი-შ ვერსია | |
მაწარმაფალი | |
Google, Open Handset Alliance | |
ნინა | 100+ |
ვებ-ხასჷლა | android.com |
გიშაშქუმალეფი | |
გიშაშქუმალაშ თარიღი |
ეკენია 23, 2008[1] |
მიმალი ვერსია | Android 13 (მარაშინათუთა 15, 2022 ) |
ლიცენზია |
Apache-შ ლიცენზია 2.0 GNU GPL v2 ლინუქსიშ გვირზილი მოდიფიკაციაშო[2] |
ბირთვიშ ტიპი | მონოლითური (მოდიფიცირებული ლინუქსიშ გვირზილი) |
წჷმოხიანი | Android 12 |
გეჸვენჯი | Android 14 |
კორპორაცია „ანდროიდიქ“ დირსხუ 2003 წანას, კალიფორნიაშ შტატის დო თიშ დჷმარსხუაფალეფი რდეს ენდი რუბინი[5], რიჩ მინერი[6], ნიკ სირსი[7] დო კრის უაიტი[3]. რუბინიშ ზიტყვეფით, მათ ღანკი რდჷ „ჭკვერი მობილური მონწყილობეფიშ აკოქიმინუა, ნამუსთ არჩქვენუდჷ მუშ მაღვენჯიშ აბანორენი დო კონფიგურაციეფი“[3].
დუდმაართათ, კომპანია ცადენდჷ გუვითარებუდუკო ოპერაციული სისტემა ცირფული კამერეფშო, მარა უკული გჷნოჭყვიდეს, ნამჷ-და თე ბაზარი ობაღინეთ დიდი ვარდჷ დო სმარტფონიშ ოპერაციული სისტემაშ აკოქიმინუაშა გეგნორთეს. კორპორაციაქ ცადჷ აკუქიმინუდუკო Symbian-იშ დო Windows Mobile-იშ კონკურენტი სისტემა[8].
„ანდროიდი“ ნოფულო ხანდენდჷ; ხვალე თინა რდჷ ჩინებული, ნამჷ-და კორპორაცია მობილური ტელეფონეფშო დორხველურ პროგრამას ონწყუნდუნ[3].
2005 წანაშ 17 მარაშინათუთას Google-იქ კორპორაცია „ანდროიდი“ ქიჸიდჷ, თიშ დჷმარსხუაფალეფი - კომპანიაშ ოდუდეს ქჷდიტუ[3]. თიმ ბორჯიშო, კორპორაციაშ გეშა მიარე მუდგაინ უჩინებუ რდჷ, მორო მიოჩქუდეს, ნამჷ-და Google თე ბიჯგით მობილური ტელეფონეფიშ ბაზარშა მიშულას ცადენდჷ[3].
2012 წანაშ მესიშ მუნაჩემეფით, ანდროიდი არძაშე პოპულარული მობილური ოპერაციული სისტემა რე; თაშნეშე რე ბაზარიშ ლიდერი ქიანეფიშ უმენტაშობას, თინეფს შქას ააშ-ს.
2013 წანაშ ეკენიაშო, დოხოლაფირო 1 მილიარდი ართული ანდროიდით მოხანდე მონწყილობა რდჷ აქტივირაფილი[9].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.