吴越人
From Wikipedia, the free encyclopedia
吴越人,貤叫江浙人、吴越民系、江浙民系[1],是吳越地區居住个一個大型族群,使用吴语,主要分佈於江蘇南部、上海全境、浙江全境、安徽东南部(黄山市、宣城市、池州市等)、江西省东北部(上饒市)和福建北部(浦城县),乃朝是汉族民系个一部分[2][3][4]。吴越人个名號取自吳越時代个吳越兩國,歷史搭仔史前个大部分地區侪是河姆渡文化、馬家浜文化搭仔良渚文化咾啥个新石器时代文化个所在地,因得郡縣化、历朝历代个統治、科舉制度搭各許緣故,也慢慢接觸融合成為现在箇种文化,宋朝以後,反轉因之科举丄个成就搭出文人士大夫出名。吴越人顶顶重要个文化特点是语言,乃朝吴越人一般以啊会得讲吴语划分。