滩簧

滩簧是江浙一带清朝辰光流行个一种艺术形式。

历史搭仔影响

据考证，滩簧本来是交关艺人自家拿好乐器围牢台子做好，各人表演各人个脚色弹自家个乐器。简单个讲，滩簧改写昆剧脚本搭仔用比较通俗个闲话搭仔方式演出。后首来有一批苏州个艺人改革滩簧，形成功苏州评弹。清朝末年有一个萧山人讨厌一帮人坐勒台子旁边唱，参考昆剧形式，改革滩簧，让各个脚色有得动作、有得舞蹈，搿就是越剧。滩簧辣海江南个影响老大，沪剧、锡剧、甬剧、越剧、评弹、姚剧、苏剧、海门山歌等侪是从滩簧发展得来个，到现在常锡人还拿锡剧叫滩簧，上海人叫沪剧本地滩簧，叫甬剧宁波滩簧。 辣海上海、苏州一带，苏滩直接叫滩簧，不过老可惜个，文化大革命里向苏滩失传了，现在只有辣海滑稽戏、苏剧里向还好听到一眼苏滩个音乐。