gonyire

Loukîz eto : gonxhire, gonhîre.

Walon (Rifondou)

Li rfondaedje di ç’ mot cial est co so balance.

Etimolodjeye

Tayon-bodje latén « congeria » («congeries»); hopea, moncea; çou ki dene on mot avou l’ cawete « -ire »; minme tayon-bodje ki «consire».

Prononçaedje

• AFE :
  • diferins prononçaedjes : /ɡɔ̃.ˈhiːʀ/ /ɡɔ̃.ˈjiːʀ/ /ɡɔ̃.ˈiːʀ/
  • prononçaedje zero-cnoxheu : /ɡɔ̃.ˈjiːʀ/  ^{aschoûtez lu}
• Ricepeures : gon·yire

Sustantif

singulî	pluriyal
gonyire	gonyires

gonyire femrin

1. (djeyografeye) (mot d’ foistî) tier (sins cresse) avou des bwès.
   • C' est insi ki l' gonyire ramtéve avou les vås — Albert Lovegnée (fråze rifondowe).
   • Les årdjintenes, les botayes d' aiwe, les grete-e-l'-aiwe
     Tchantént so les gonyires, les flots et les trîxheas — Albert Lovegnée (fråze rifondowe).
   • Les gonyires si raprepiént des måjhons, po ls ahouwer del nute — Albert Lovegnée (fråze rifondowe).
   • Po-z esse on payizan – payizan come djel so –
     I fåt-st aveur bracné so les hôtès gonyires
     L' alnute, cwand les singlés dischindèt-st å galop
     Viè les teres la k' i vnèt disterer les crompires — ALau (fråze rifondowe).
   • Les omes vikèt a ses pîs, et des belès vegnes racovrèt les pleus k' anoncèt ses roedès gonyires — Jean-Pierre Dumont (fråze rifondowe).
   • Ké tchalminisse, cwand vos trevåtchîz les gonyires di ttå matén; vos vs croerîz a l’ Operå Bolchoy — Lucyin Mahin, Vera.
   • – Qui v’ fåt-i è l’air ?
     – Lès timpèsses èt lès hoûrlês.
     – Acwèrdé. Qui v’fåt-i è l’êwe ?
     – Sès trèfonds èt sès tchantwéres.
     – Ciète. Qui v’ fåt-i sol tére ?
     – Lès gonhîres èt lès fagnes.
     – Poqwè nin ? …. Et d’vins lès djins ?
     – Lès Tîhons. — Arthur Xhignesse.
   • Avou ne brouweur so l’ ouy, li solo, dzeu l’ gonyire,
     Amonte et hene e djeu
     Des cligntaedjes di loumire
     Inte di les coxhes disk’ e flo,
     Dismetant k’ ene rinne s’ aflôye*
     Et fwait ene so l’ aiwe ene riguilite di rondès royes,
     Di frawiants ronds d’ solo. — Jules Claskin, « Airs di flûte et autres poèmes wallons », édition critique de Maurice Piron, 1956, « Côps d’oûy », 1923, p.29 (fråze rifondowe).
   • Assiou so les rins d’ine gonhîre, Mondjårdin twèse fîrmint les ham’tês des invurons, akwatis avås les trih’s, comme des ouhês à l’ aprèpe d’on mohè. — Joseph Mignolet, "Li Payîs des Sotês", 1926, p. 27.
   • Dji lyi direu çoucial : « Oh ! Twè ki véns naivyî
     Inte nos belès campagnes, nos gonyires, nos viyaedjes,
     Louke ; adon ti m' dirès si s' trouve pus bea voyaedje ! » — Louis Lagauche, "L' inmant", Po Nameûr, (1947), p. 139 (fråze rifondowe).

Ratourneures

1. cori les gonyires
2. So les Gonyires : no d' ene plaece di Lidje (e Cwinte).

Sinonimeye

• hé
• tchivådos

Ortografeyes

Divant 1900 :

• gonhîr : E203 ^(lére)

Après 1900, foû rfondou (Feller, Feller ricandjî, nén Feller) :

• gonhîre : E1, E170, G206 p. 95, LLag, JMign, AXhi, JCla

E rfondou walon :

• gonyire : R10 ^(lére)

Ôtès ortografeyes (avou des sourdants nén rkinoxhous) :

• = ? (gôhîre) : eredjistrumint Po-z_esse_on_payizan

Li mot n’ est nén dins : E2, E13, E21, E165, E212, E213, G206, R13

Ratournaedjes

tiene avou des bwès

• Francès : côte boisée ^(fr), colline ^(fr) boisée (nén ratournåve direk e francès)