From Wikipedia, the free encyclopedia
Jean-Jacques Gaziaux a skepyî li 20 di nôvimbe 1942, a Djåçlete.[1] Il a morou li 31 di djanvî 2022, a Tirlumont.[1]
C' est on rcwereu sol walon d' Djåçlete et do payis d' Djodogne.
Il esteut mimbe del SLLW di 1986 disk' a s' moirt.
Di s' mestî, il esteut prof di sgondaire.
Ses rcweraedjes, tos bokets d' ene grosse sipesse teze k' i disfinda å Noû-Lovén e 1982, sont-st eplaidîs dizo l' cogne d' on tecse e francès, avou des fråzes, des bokets d' fråzes u des mots e walon ådvins, ratournés zels-minmes e francès.
Come bouteu pol walon e s' payis il a xherbiné fer po fé avanci li soce Les Såverdeas d' après Djodogne. Il a eto adjinçné deus antolodjeyes des scrijheus do Roman Payis :
Il a ovré avou l' province do Roman Payis po fé mî cnoxhe li walon k' on cåze avår la. Ey eplaidî on livret, sipårdou po rén : "Nos parlers brabançons : authentiquement wallons" (Les pårlers di nosse Roman payis : c' est pår do walon) (2003).
Di 2007 disk' a s' revoyance, il esteut mwaisse eplaideu del gazete e walon : Lë Sauvèrdia.
Come bråmint des ôte mimbes del SLLW soce la, i rwaite li walon come ene troke di diyalekes elaxhîs al civilizåcion des viyaedjes disk' e 1960, et ki dvreut disparexhe avou leye.
Jean-Jacques Gaziaux djåzéve bén walon e societé, mins s' nel fijheut i nén a tot côp bon avou les pareys a lu.
Ont parexhou come lives :
Gn a eto des gros papîs publiyîs dins "Dialectes de Wallonie"
Eyet dins les Inketes do Muzêye do Vicaedje des Walons:
Jean-Marie Pierret lu a rindou bon dvwer avou èn årtike sicrît dins on limero del rivuwe francès-cåzante Wallonnes.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.