gazete e walon do Roman Payis (1983-2022). From Wikipedia, the free encyclopedia
Lë Sauvèrdia
Li Soverdea (ki si scrît Lë Sauvèrdia), c' est ene rivuwe del soce di scrijheus «Les Soverdeas d' après Djodogne», k' eplaide des belès letes e walon. Li no provént do lomaedje do moxhon d' toet dins l' payis d' Djodogne.
Gn a 10 limeros tos ls ans. I n' vude nén tins des grandès vacances (moes d' djulete et d' awousse)
C' esteut des foyous tapés al machine, enimådjîs di des ptits desséns å croyon.
Ci n' est k' dispu 2011 ki l' tapaedje passa do sistinme del viye machine a scrire, a on aspougnaedje di tecses.
Divant 2012, gn av pont d' tåve avou l' contnou.
Ene sifwaite gazete avou l' minme tite, «Li Soverdea», aveut ddja stî enondêye e 1892 pa Edmond Etienne. Mins s' n' aveut ele duré k' èn an.
Li rvuwe a riskepyî e 1983, dabôrd ki li «Noer Boton» vineut di stater.
Dispu li cmince, li mwaisse-eplaideu a stî Henri Lerutte, eyet li penleuse, Germaine Massart. Dispu les anêyes 2000, c' est bråmint Jean-Jacques Gaziaux ki s' ocupe do secretariat.
Dispu 2007, c' est lu k' est ossu mwaisse sicrijheu. Jean-Jacques Gaziaux divna mwaisse sicrijheu a cmincî do l° 242 (moes d' fevrî 2007).
E 2013, Jean-Jacques Gaziaux, malåde, diva leyî ouve. C' est Joseph Decossaux ki dvénrè mwaisse sicrijheu. Mins c' est bråmint Andrée Flesch ki fwait tourner l' gazete.
Cwand cisse-ciale dihote e 2021, c' est Jules Sabaux ki rprinda l' coirdea. Mins après s' moirt, co djonne, e 2022, li gazete si djoca.
Les scrijhaedjes do Soverdea ont siervou d' soûmint a deus antolodjeyes a tinmes, ramexhnêyes pa Jean-Jacques Gaziaux :
A l' ocåzion, i rprindént ossu des tecses di pus vîs scrijheus:
Moirt d' on Soverdea (avou ene lete da Joëlle Spierkel, Li Rantoele l° 105, bontins 2023.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
