Liechtnstein, officieel Vorstndom Liechtnstein, (Duuts: Fürstentum Liechtenstein; Alemannisch: Förschtatum Liachtaschta) is e klêene stoat in Middn-Europa.
Liechtnstein Fürstentum Liechtenstein | |
---|---|
![]() |
![]() |
![]() Liggienge van Liechtnstein in Europa | |
Officiële toale | Duuts |
Hoofdstad | Vaduz |
Stoatsvorm | Constitutionele monarchie (vorstndom), Directe democratie |
Stoatshoofd | Vorst Hans Adam II |
Êerste minister | Premier Adrian Hasler |
Ippervlak | 160 km² |
Inweuners | 37.009 (2013) 231,3 inw./km² |
Munte | Zwitsersche frank |
Tydzone | UTC+1 (zomertyd: UTC+2) |
Landcode | LI, LIE |
Telefongcode | (+423) |
Internet-TLD | .li |
Nationale fêestdag | 15 ogustus |
Liechtnstein wordt begrensd deur Zwitserland in 't westn en 't zuudn en deur Ôostnryk in 't ôostn. 't Bergachtig land is e wientersportplekke en e belastiengsparadys. D'r weunn mêer of 37 duusd menschn. 't Spôorwegnet in Liechtnstein makt dêel uut van de spôorweegn van Ôostnryk (ÖBB). 't Zyn moa vier steedn in 't land woa dat er e stoatie is.
![Thumb](http://upload.wikimedia.org/wikipedia/commons/thumb/6/63/Ls-map.png/320px-Ls-map.png)
Geschiedenisse
De Boheemsche vorst Johan Adam Andreas van Liechtnstein kocht in de 17e êeuwe van 't joar 1699 de heerlykheid Schellenberg. In 't joar 1712 kocht hy ôok 't groafschap Vaduz van de groavn van Hohenems. Voer e lênienge van 250.000 gulden kreeg 't hy in 't joar 1707 ôok e zetel up de vorstnbank van de Zwabische Kreits. Up 23 januoari van 't joar 1719 verênigde keizer Karel VI de heerlykheedn Vaduz en Schellenberg toet e vorstndom, genoamd Liechtnstein. Tenslotte kreeg 't nieuw vorstndom in 't joar 1723 e zetel en e stemme in de Ryksdag, moar wos wel dus nog geboundn an et Hillig Rôoms Ryk, geregeerd deur de keizer van Ôostnryk.[1]
Geografie
Liechtnstein ligt in 't Reyndal in d' Alpn. Westelik an de kant van Zwitserland strôomt de Reyn als grenzeriviere.
Gekende menschn
- Hanni Wenzel (van Duutsche komaf), won in 1980 twêe olympische titels ip 't ounderdêel alpineskiën.
- Marco Büchel (van Zwitsersche komaf), alpineskiër, wos drie joar achterêen 'Sporter van 't Joar'.
- Mario Frick (ook van Zwitsersche komaf), topschutter van 't Liechtnsteins foetbolelftal, wordt gezien als de beste foetbollist die Liechtenstein ooit g'hed hèt[2]
Trivia
- Liechtnstein wos in 't joar 1798 't êeste land dat de dôodstraffe ofschaftige.
- Zwitserland hèt e verdrag mè Liechtnstein, da 't by dreigienge militair goat helpn.[3]
- Liechtnstein es gin lid van d' Europese Unie. Wel is Liechtnstein juste lik Zwitserland e Schengenland.[4]