![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Whippomorpha.jpg/640px-Whippomorpha.jpg&w=640&q=50)
Whippomorpha
From Wikipedia, the free encyclopedia
Whippomorpha of Cetancodonta is 'n oenderorde van de Cetartiodactyla die al de leevnde walvisachtign en nylpeirdn bevat. 't Zyn allemolle ofstammeliengn van de latste gemêenschappelike vôoroeder van Hippopotamus amphibius (nylpeird) en Tursiops truncatus (dolfyne).
Whippomorpha | ||||||||
---|---|---|---|---|---|---|---|---|
![]() | ||||||||
Taxonomische indêlienge | ||||||||
| ||||||||
Oenderorde | ||||||||
Whippomorpha of Cetancodonta Waddell et al., 1999 | ||||||||
Der is êest ênigte discuusje gewèest over de platsienge van de Whippomorpha binn d' Artiodactyla. Vodiën wierd gepeisd da nylpeirdn nauwer verwant woarn an de Suidae (zwyns) en Tayassuidae (pekari's). De mêeste heedndoagsche weetnschappelike fylogenetische en morfologische oenderzoekn verbiendn de nylpeirden met de walvisachtign, en genetisch bewys hèt 'n evolutionaire reloasje tusschn die twèe groepn oendersteund. Moderne Whippomorpha dêeln allemolle 'n antal gedrags- en fysiologische kenmerkn.
De noame Whippomorpha is e combinoasje van 't Iengels (wh[ale] + hippo[potamus]) en 't Grieks (μορφή, morphē = vorm). Der zyn pogiengn oendernoomn vo de noame te verandern in Cetancodonta, vanwege 't gebruuk van 't achtervoegsel morpha, moa Whippomorpha bluuft vôorrang krygn.