Nylpeirdn

De nylpeirdn (Hippopotamidae) zijn e familie van eevnhoevige zoogbêestn, die in Afrika leevn te zuudn van de Sahara. Momenteel bluuvn der moa twèe sôortn over: 't geweun nylpeird (Hippopotamus amphibius) en 't dwergnylpeird (Choeropsis liberiensis). Moleculaire en morfologische studies hèn bevestigd dan de walvisachtign (Cetacea) de nauwste leevnde verwantn van nylpeirdn zyn.

Dat artikel es geschreevn in 't Noordelik West-Vlams.

---

Nylpeirdn
Geweun nylpeird (Hippopotamus amphibius)
Taxonomische indêlienge
Ryk: Animalia (Bêestn) Stamme: Chordata (Chordabêestn) Klasse: Mammalia (Zoogbêestn) Orde: Cetartiodactyla (Walvisn en eevnhoevign) Ounderorde: Whippomorpha of Cetancodonta
Familie
Hippopotamidae Gray, 1831
Dwergnylpeirdn (Choeropsis liberiensis)

Nylpeirdn zyn grôte zôogbêestn, die half an land en half in 't woater leevn. Z' hèn e gleddig vel, e grôte kop met e brêe moend en neuzegoatn vanboovn an hunder snute. Z' hèn korte, stompe pôotn, vier têens moa gèen hoevn lik d' andere eevnhoevign. Hunder moage hèt drie koamers, moa 't zyn gèen echte herkauwers. Z' hèn grôte snytandn en hoektandn die ip slagtandn trekn en hêel hunder leevn bluuvn groein.

Nylpeirdn zyn nachtelike bêestn. Overdag rustn z' uut in of by 't woater en 's nachts zoekn z' hunder eetn. 't Grôot nylpeird èet surtout gas en 't dwergnylpeird ook bloarn, scheutn en fruut.

Sôortn

• Geslacht Hippopotamus, echte nylpeirdn
  • Hippopotamus amphibius, nylpeird (Afrika)
• Geslacht Choeropsis, dwergnylpeirdn
  • Choeropsis liberiensis, dwergnylpeird (West-Afrika)

Der zyn ook nog verschillige uutgestorvn sôortn bekend.

Ofbeeldiengn die ier by passn ku je vien in de categorie Hippopotamidae van Wikimedia Commons.