Suv
From Wikipedia, the free encyclopedia
From Wikipedia, the free encyclopedia
Suv (angl.: Suva, mugažo fidžin hindikš) om Fidžin pälidn da kaikiš suremb lidn Suvižiš Valdmerimaiš (päiči Avstralijan da Uden Zelandijan lidnoiš). Se om valdkundan ižandusen da politikan keskuz, Keskuzližen ümbrikon administrativižeks keskuseks mugažo.
| Valdkund | Fidži |
| Eläjiden lugu (2009) | 88,271 ristitud |
 | |
| Telefonkod | +679- |
| Aigvö | tal'vel UTC+12, kezal UTC+13 |
Vspäi 1952 Suv om lidnan statusanke. Valdkundan prezidentan pert'kulu, ohjastusen da parlamentan sauvused sijadasoiš lidnas.
Sömän i sauvondmaterialiden tegimed ratas lidnas. Suv om äjiden bankoiden da torguindkeskusiden sija.
Vl 2003 lidn vastsi Suvitün'valdmerižid vändoid koumen kerdan.
Lidn sijadase Viti Levu-saren suvipäivnouzmaižel randal, penel pol'sarel. Enččel sod ottihe lidnan territorijad. Järedad ezilidnad oma Nasinu i Nausori pohjoižpäivnouzmas.
Klimat om ekvatorialine vihmmecoiden, torokad oleldas. Päivän keskmäine lämuz om +24..+27 C° vodes läbi. Paneb sadegid 3023 mm vodes, vähemba heinkus — 136 mm. Lidnas eile leterandoid lebun täht, no om 78 puištod.
Suv jagase kudeks rajonaks (keskuz, pohjoine, sid' častomaraižen mödhe): Keskuzline, Tamavua, Kanningem (angl. Cunningham), Nabua, Samabula, Muanikau.
Vn 2007 Fidžin rahvahanlugemižen mödhe 167 975 ristitud elihe lidnaglomeracijas[1] 2048 km² pindal.
Lidnas om läz kahtkümned openduzsijad, sidä kesken Fidžin medicinan openduzsija da Suvitün'valdmerižen universitetan alajaguz (angl.: University of the South Pacific).
Suv om järed transportsol'm. Kaks' rahvahidenkeskešt lendimportad sijadasoiš ezilidnoiš: Nandi (NAN, rahvahidenkeskeine todesižikš) da Nausori (lendused valdkundadme da Tuvaluhupäi). Mugažo valdkundan kaikiš suremb port radab valdmeren randal.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
