Funafuti (mugažo anglijan kelel) om Tuvalun pälidn-atoll, üks'jäine lidn da meriport. Valdkundan üks'jäine region-lidnankund, Tuvalun ristitišton koume videndest eläb siš.
Flag | |
| Valdkund | Tuvalu |
| Eläjiden lugu (2017) | 6,320 ristitud |
| Pind | 2,4 km² |
 | |
| Telefonkod | +688- |
| Aigvö | UTC+12 |
Istorii
Ezmäižed matkadajad Päivlaskmman maišpäi tuliba sarehe britanižel Rebekka-laival vn 1819 semendkus, Arent Šailer de Peister-njujorkalaine (Arent Schuyler de Peyster) oli sen kapitanan. Hän nimiti atollad kut Ellisan sar'. Vll 1860−1900 sen ristitišt oli 280..300 eläjad. Počt radaškanzi atollal läz 1911. vot. Eländpunkt om ripmatoman valdkundan pälidnaks vspäi 1978.
Funafuti šingotase pälidnan funkcijoil. Adivpert' i lendimport oma avaitud atollal. Lendahtamižsarg otab atollan tobmad palad, kävutadas sidä torguseks kerdan nedališ, konz ei ole lendimid.
Geografijan andmused
Lidn sijadase valdkundan suvipäivnouzmas, Tünen valdmeren randal. Atoll kogoneb 29..33 sarespäi, ned oma 20..400 metrad levette, vaiše koume oma kaikenaigaiženke ristitištonke (Fongafale, Funafal i Amatuku), 95 % elädas Fongafale-sarel. Te-Namo-lagun om atollan südäimes, se om valdkundan kaikiš suremb, 18 km pitte, 14 km levette i 36 m süvütte, pind 275 km².
Klimat om tropine vihmmecoiden. Voden keskmäine lämuz om +28,2 C°, kuidme +28,1..+28,4 C°. Paneb sadegid 3512 mm vodes, enamba tal'vkus-keväz'kus (324..413 mm kus), vähemba kezakus (216 mm) i sügüz'kus (217 mm).
Valdkundan administrativižed pertid oma saudud atollan Vaiaku-küläs. Murenijad torokad oliba vll 1883 i 1972.
Eläjad
Vn 2002 Tuvalun rahvahanlugemižen mödhe lidnan eläjiden lugu oli 4 492 ristitud. Kaik 6 025 eläjad oli lidnas-atollas vl 2012.
Homaičendad
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
