Kouvol
From Wikipedia, the free encyclopedia
From Wikipedia, the free encyclopedia
Kouvol (suom. i roč.: Kouvola, suomen virkand: [ˈkou̯ʋolɑ]) om Suomenman lidn valdkundan suves. Se om Kümenlakso-provincijan pälidn, valdkundan 11nz' lidn eläjiden lugun mödhe.
Lidnanznam | |
| Valdkund | Suomenma |
| Eläjiden lugu (2024) | 78,587 ristitud |
| Pind | 2,883,29 km² |
 | |
| Pämez' | Marita Toikka (keväz'ku 2017—) |
| Telefonkod | +358−5 |
| Aigvö | tal'vel UTC+2, kezal UTC+3 |
Eländpunktan aluz om pandud vl 1922. Raudtesol'men istorine keskuz oli pandud mantazole nevondkundaližen bombardiruindan tagut Tal'vsodan aigan (1939−40). Žilo sai lidnan statusad vl 1960. Vl 2009 ližaduihe viž penembad lidnad Kouvolan municipalitetha: Anjalankoski, Elimäki, Jaal (suom.: Jaala), Kuusankoski i Valkeal (suom. Valkeala).
Kouvol šingotase cellülozbumagaižil tegimil, äifunkcionaližel logistižel keskusel (om vaumitud vodele 2023) läz Venäman röunad raudte- i avtoteverkonno, torguindal i holitišiden sferal.
Lidnan keskuzpala sijadase Kümi-jogen (204 km pitte, suom.: Kymijoki, roč.: Kymmene älv, lankteb Suomen lahthe) hural randal tobjimalaz. Matkad Hel'sinkihesai om 134 km suvipäivlaskmha. Lähembaižed lidnad oma Kotk-meriport 40 km suvhe orhal, avtotel vai raudtel, i Laht 50 km päivlaskmha orhal, avtotedme vai raudtel.
Klimat om ven kontinentaline, valdmeren valatoitusenke. Voden keskmäine lämuz om +5,1 C°. Ekstremumad oma −37,3 C° (viluku) i +34,5 C° (heinku). Kezaaigan minimum om −0,5 C° (kezaku), tal'vaigan maksimum om +9,7 C° (tal'vku). Ei voi panda halad heinkus vaiše (minimum +3,0 C°). Paneb sadegid 681 mm vodes, enamba kezakus-tal'vkus (63..72 mm kus), vähemba sulakus (31 mm).
Vl 2020 lidnankundan pind om 2 883,29 km², sidä kesken kuivma — 2 557,70 km², vezi i sokaz tahond ottas ühesandest (325,59 km²).
Kouvolan municipaline suim kogoneb 59 ezitajaspäi.
Edeline lidnan pämez' om Lauri Lamminmäki (viluku 2009 — uhoku 2017).
Vl 1980 lidnankundan eläjiden lugu oli 30 951 ristitud, vl 2000 — 31 614 ristitud, vl 2010 — 88 174 ristitud (kundoiden ühtištusen jäl'ghe vl 2009), vl 2020 — 82 104 ristitud. Nügüdläižen lidnankundan territorijan kaikiš suremb kogonaine ristitišt oli 95 022 eläjad vl 1985, edel lidnoiden ühtištust. Radinsijiden lugun polenduz kucub ristitišton migracijad Suomenman toižihe agjoihe.
Mamankel' (2016): suomen kel' — 95,4 %, ročin kel' — 0,3 %, toižed keled — 4,3 %.
Allegro-üläkiruhjonuz tegeb seižutest lidnas, keskust Piterihesai om 285 km.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
