Venäma
valdkund Evropas da Azijas, kaikiš suremb valdkund mail'mas / From Wikipedia, the free encyclopedia
Venäma (venäkelel: Россия [rɐˈsʲijə]), Venälaine Federacii (lühetud nimi: VF, ven.: Российская Федерация), molembad nimitused oma oficialižed; järgeližpaginas mugažo — Venä, om valdkund Päivnouzmaižes Evropas da Pohjoižes Azijas.
Flag | Valdkundznam |
Pälidn | Moskv |
Eläjiden lugu (2018) | 142,122,776 (Krimata)[1]. 144,473,177 (Krimanke)[2] ristitud |
Pind | 17,098,246 (Krimata). 17,125,191 (Krimanke) km² |
Kel' | venän |
Valdkundan pämez' | Vladimir Putin |
Päministr | Mihail Mišustin |
Religii | hristanuskond, ateizm, islam, buddizm, paganuz |
Valüt | venäman rubl' (RUB) (₽) |
Internet-domen | .ru, .рф, .su |
Telefonkod | +7 |
Aigvö | UTC+2..+12 |
Venäman pälidn da kaikiš suremb lidn om Moskv. Vl 2017 kaik oli 15 lidnad Venälaižes Federacijas, kudambiden eläjiden lugu oli enamb 1 mln eläjid: Moskv, Piter, Novosibirsk, Jekaterinburg, Alanovgorod (Alauz'lidn), Kazan', Čeläbinsk, Samar, Omsk, Rostov Donal, Uf, Krasnojarsk, Perm', Voronež, Volgograd.
Venäma om Man kaikiš suremb valdkund pindan mödhe — 17 098 246 km². Vl 2010 Venälaižen Federacijan eläjiden lugu oli 141 927 297 eläjad (9-nz' sija Mas). Valdkundaline kel' om venäkel', dai mugažo ičeze valdkundaližed keled oma 23 federacijan subjektoiš.
Venäma om Ühtenzoittud Rahvahiden Organizacijan, Ripmatomiden Valdkundoiden Ühtnendan, Evrazijan Ekonomižen Ühtištusen da toižiden organizacijoiden ühtnii.