![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e7/Population_Density%252C_v4.11%252C_2015_%252848009180372%2529.jpg/640px-Population_Density%252C_v4.11%252C_2015_%252848009180372%2529.jpg&w=640&q=50)
Ristitišt
From Wikipedia, the free encyclopedia
Ristitišt (demografijas) om kaik eläbad ristitud Mal (Man ristitišt), vai sen röunatud territorijal — kontinent, valdkund, region, ma, agj da toižed administrativižed ühtnikad. Udištase kaikenaigašti ristituiden sündundoiden i surmiden kal't. Vn 2020 keväz'kus mail'man ristitišt ületi 7,8 mlrd eläjid, vodele 2030 ÜRO endustab 8,5 mlrd.
![Thumb image](http://upload.wikimedia.org/wikipedia/commons/thumb/e/e7/Population_Density%2C_v4.11%2C_2015_%2848009180372%29.jpg/640px-Population_Density%2C_v4.11%2C_2015_%2848009180372%29.jpg)
Nened tedod tedoitas ristitištod, sen lugumärad, šingotest da toižid pirdoid: demografii (päine tedo ristitištos ičeze käskusidenke), demografine statistik (keradab andmusid demografižen analizan täht), ekonomik (tön potencial), geografii (territorialine järgenduz i migracii), etnografii i etnologii (etnine mülünd), sociologii (ristitkundan struktur), medicin (tervhuden tazopind).
Demografijas om ristitišton toižendoid:
- kaikenaigaine ristitišt;
- stabiline, sen paloin stacionarine ristitišt;
- lidnalaine i külähine ristitišt;
- rahvahanlugemižen aigan — olijad sijas, kaikenaigaine ristitišt, olmatomad aigaks, olijad aigaks.
Ristitišton lugemine tegese rahvahanlugemižil (kerdan vides vai kümnes vodes), nügüdläižikš (joksii lugemine), lugumäran arvoindal (ristitišton mehanižen likundan lugud pordos).