Porhov (ven.: По́рхов) om Venäman lidn da lidnankund Pskovan agjan keskuzpalan päivnouzmas. Se om Porhovan rajonan administrativine keskuz.
Lidnanznam | |
Valdkund | Venäma |
Eläjiden lugu (2020) | 8,347 ristitud |
Pämez' | Vladimir Aleksejev (2017—) |
Telefonkod | +7−81 134-xx-xxx |
Avtokod | 60 |
Aigvö | UTC+3 (MSK+0) |
Eländpunktan aluz om pandud vl 1239 pulidnuseks lidnan statusanke, nimitihe Porhovan lidneihut (ven.: Порховский городок). Vl 1387 uz' kivine lidnuz om saudud, om kaičenus hüvin, kävutadas muzejaks. Mülüi Venäman 12 kaikiš znamasižembha lidnushe ühtenzoitusen jäl'ghe Uz'lidnan tazovaldkundanke vl 1478. Panihe makundan lidnaks Uz'lidnan gubernijan Pskovan agjaha vl 1777, oli Pskovan gubernijas vspäi 1796.
Porhovan ižandusen päsarak om sömtegimišt (argvoin da saguden tegim). Sadas mouckivid lidnan ümbrištos.
Lidn sijadase Šelon'-jogen randoil (Il'mjärven bassein), 55 m ü.m.t. keskmäižel korktusel. Šelon' jokseb suvespäi pohjoižhe, läbitab lidnan keskust. Matkad Pskovhasai om 70 km päivlaskmha orhal, raudtedme vai 85 km avtotedme. Lähembaine lidn om Dno 26 km päivnouzmha orhal, raudtedme vai avtotedme.
Porhov om lidnankundan üks'jäine eländpunkt.
Vn 2010 Venäman rahvahanlugemižen mödhe lidnan eläjiden lugu oli 10 608 ristitud, rajonan ristitišton pol'. Kaik 8 926 eläjad oli lidnas vl 2017. Kaikiš suremb lidnan ristitišt oli 14 400 eläjad vl 1992.
Ortodoksižen hristanuskondan viž jumalanpertid[1] om kaičenus, niiden keskes kaks' oma väges. Časoun' om saudud koncentracižen «Dulag-100»-oigenduzlagerin (eloku 1941 — uhoku 1944) i kadodud kahten päjumalanpertin muštho.
Dedovičin äiprofil'žen tehnikuman Porhovan filial[2] om lidnan professionaližen opendusen aluzkundaks, edel vn 2015 heinkud Porhovan maižanduztehnikum radoi.
Avtobusad oma kundaližeks transportaks lidnas. Lidn om avtotesol'meks, kaik transport läbitab lidnan keskust.
Porhov-raudtestancii i 580 km-platform oma lidnan südäimes «Pskov — Bologoje»-jonol.
- Porhovan lidnuz, vn 2018 nägu ülähänpäi
- Ph. Mikulain čuhunduz i ühtennimine jumalanpert' Porhovan lidnuses, vn 2018 nägu
- Lämoipalonvastaine palakund (2018)
- «Rodina»-kul'turkeskuz («Kodima») vl 2010
- Raudasine avtotesild Šelon'-joges päliči (2018, om saudud 1905, oli poukahtadud vn 1941 kezal)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.