From Wikipedia, the free encyclopedia
Bologoje (ven.: Болого́е) om Venäman lidn da raudtestancii Tverin agjan lodehes. Se om Bologojen rajonan i Bologojen lidnankundan administrativine keskuz.
Lidnanznam
| Flag |
| Valdkund | Venäma |
| Eläjiden lugu (2021) | 20,234 ristitud |
| Pind | 122,69 km² |
 | |
| Pämez' | Igor' Gavrilov (tal'vku 2008—) |
| Telefonkod | +7−48 238-xx-xxx |
| Aigvö | UTC+3 |
Eländpunkt mainitase ezmäižen kerdan vl 1495 kuti Bologoje-külä Bologojen järvenno Uz'lidnan Derevskai-agjan aigkirjas. Vl 1851 «Moskv — Piter»-raudte tuli Bologojehe, i külä šingotaškanzihe. Saudihe äi edheotandoid holitamha raudted, sikš miše Bologoje-Moskovskoje-stancii sijadase raudten keskel. Vn 1917 3. päiväl kezakud ühtištadihe Bologoje-žilod Bologoje-külänke da anttihe lidnan statusad Venäman Pordaigaližen ohjastusen käskön mödhe, lidn mülüi Valdain makundha. Toižen mail'man sodan aigan lidn oli alištunu bombardiruindale 527 kerdad vn 1941 heinkuspäi kut znamasine raudtesol'm, eriližešti vn 1943 13.-23. keväz'kud (tacihe 1811 bombad), no ei olend okkupiruidud.
Bologoje šingotase raudteinfrastruktural i raudtespecmašinoiden kohendusel, torvarmaturan tegimel[1], mebel'fabrikal, sömtegimištol (maidtegim, leibän edheotandad).
Lidn sijadase rajonan keskuzpalan suves, Valdai-ülüden pohjoižpäivnouzmaižil pautkil 150..200 m korktusil, 175 m ü.m.t. keskmäižel korktusel, Bologojen järven randal (7,87 km², Olhav-jogen bassein), i Orgizkovo-järv om lidnan pohjoižes.
Matkad Tverišpäi om 164 km lodeheze.
Kaik ühesa pen't küläd da Platiščenk-raudtestancii (ven.: Платищенка, 1. rist. vl 2010) mülüdas lidnankundha Bologojen ližaks. Bologoje jagase koumeks territorialižeks rajonaks: Tegimen, Päivlaskmaine, Järventagaine.
Lidnankundan tobmuden pämez' om sen Administracijan pämez'. Lidnan Deputatoiden nevondkund om likvidacijan pordhal vn 2023 tal'vkuspäi rajonan toižetamižen tagut ümbrikoks, sen jäl'gmäine ezimez' oli Andrei Matveev (reduku 2018 — tal'vku 2023).
Vn 2010 Venäman rahvahanlugemižen mödhe lidnan eläjiden lugu oli 23 494 ristitud, lidnankundan — 23 660 ristitud, se oti enamba pol't rajonan ristitištos. Vn 2021 rahvahanlugemižen mödhe lidnan ristitišt oli 20 234 eläjad. Vl 2017 kaik 21 425 eläjad oli lidnas i 21 524 ristitud kaikes lidnankundas. Kaikiš suremb lidnan ristitišt oli 35 926 eläjad vl 1989.
Ortodoksižen hristanuskondan kuz' pühäpertid[2] oma saudud lidnas: koume jumalanpertid i koume časounäd. Niiden ližaks kivine Jumalanmaman Katken jumalanpert' oli vll 1885−1932, poukahtihe.
Lapsiden opendusen aluzkundad oma päivkodid, nell' keskškolad (nomer 1, 10, 11, 12), kaks' aluzškolad (nomer 55, 57), čomamahtoiden škol, sportškol. Bologojen kolledž[3] om lidnan professionaližen opendusen aluzkundaks.
.jpg)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
