Svèsia
From Wikipedia, the free encyclopedia
La Svèsia (en svedexe: Sverige) la xe un Stado del nord de l'Eoropa, inte la Penìzoła Scandinava.
La confina co la Norveja a nord-ovest e co la Finlandia a est; la xe coligada a sudest co la Danimarca[29].
Zeografia
La ga na superfisie de 449 964 km².
La xe bagnà dal Mar Baltego a est, dal Kattegat a ovest.
El paese el xe caraterisà da montagne e foreste.
Storia
Antighità
Ghe xe proe suficienti par sostègnar che la superficie cïapante rento l'atual Svezia la xe stà colonisada quando che i giazzi de l'ùltima era giazzal i se ga ritirà, inte l'età de la piera. Se crede che i primi abitanti i fusse cazzadori e togidori, che i vivea principalmente de chel'à che el mar el ghe ofrìa.
Proavilmente la Svezia meridional la giera densamente popolà inte l'età del bronzo, sicome se ga catà resti de algune civiltà comerçai.
Durante el IX e el X sècoło, la xe fiorìa in Svezia la cultura Vichinga, co comerci, incursion e colonisazion che le se estendéa principalmente verso est in direzion dei Stati Bàlteghi, de la Rusia e del Mar Negro.
Inte el 1389, le tre nazion de Norvesa, Danimarca e Svezia le se ga unìo inte un ùgnolo regno: la Union de Kalmar.
Modernità
La Union la ga tegnesto unìe le tre nazion fin al 1523, quando che la Svezia la se ga cavà soto de Gustav Eriksson Vasa[30].
Inte el XVII sècolo la Svezia la giera una de le magiori potence europee dopo de la vitoria inte la Guera dei trenta ani. La batagia de Poltava [31], onde che la Svezia la xe stà sconfita da la Rusia, la ga tacà fin a sto bon perìodo del Regno.
L'ùltimo conflito el xe stà co la Norveza inte el 1814.
La recente storia svedese la xe pi pasìfega: la xe restada neutral inte la Prima e la Seconda Guera Mondial.
Zeografia politega
Divixion aministrative
La Svèsia la xe divixa in 21 contadi (län).
| Nome | Nome svèdexe | Letara | Cavologo | Abitanti[32] | Superficie km² |
|---|---|---|---|---|---|
| Blekinge | Blekinge län | K | Karlskrona | 150 696 | 2 941 |
| Dalarna | Dalarnas län | W | Falun | 275 755 | 28 194 |
| Gotland | Gotlands län | I | Visby | 57 488 | 3 140 |
| Gävleborg | Gävleborgs län | X | Gävle | 275 994 | 18 191 |
| Halland | Hallands län | N | Halmstad | 285 868 | 5 454 |
| Jämtland | Jämtlands län | Z | Östersund | 127 028 | 49 443 |
| Jönköping | Jönköpings län | F | Jönköping | 330 179 | 10 475 |
| Kalmar | Kalmar län | H | Kalmar | 233 944 | 11 171 |
| Kronoberg | Kronobergs län | G | Växjö | 178 443 | 8 458 |
| Norrbotten | Norrbottens län | BD | Luleå | 251 740 | 98 911 |
| Scania | Skåne län | M | Malmö | 1 169 464 | 11 027 |
| Stoccolma | Stockholms län | AB | Stoccolma | 1 889 945 | 6 488 |
| Södermanland | Södermanlands län | D | Nyköping | 261 895 | 6 989 |
| Uppsala | Uppsala län | C | Uppsala | 304 367 | 6 989 |
| Värmland | Värmlands län | S | Karlstad | 273 288 | 17 583 |
| Västerbotten | Västerbottens län | AC | Umeå | 257 652 | 55 432 |
| Västernorrland | Västernorrlands län | Y | Härnösand | 243 736 | 21 678 |
| Västmanland | Västmanlands län | U | Västerås | 261 391 | 6 302 |
| Västra Götaland | Västra Götalands län | O | Göteborg | 1 528 455 | 23 942 |
| Örebro | Örebro län | T | Örebro | 274 121 | 8 517 |
| Östergötland | Östergötlands län | E | Linköping | 416 303 | 10 562 |
Cavedal e altre cità
La so cavedal la xe Stocolma che La gà 765 044 abitanti.
Altre cità importante le xe Göteborg, Uppsala, Malmö e Lund.
Popołasion
El primo censimento el se ga tegnùo inte el 1794 e el ga resistrà na popołasion de cerca 1.800.000 abitanti. Inte el sècol sevente ghe xe stà na forte ondada de emigrazion direta inte i Stati Unii, cerca 1 300 000 persone le xe emigrae soratuto verso la region del Grandi Laghi. A contrastar sta roba ghe xe stà un tasso de nadaità alto e, inte el '900 un saldo imigratorio positìo costituìo soratuto da persone vegnenti dai vicini paesi bàltissi.
Al di de ancò, la popołasion svedese la conta 9 131 425 abitanti[33].
A causa del numaro relativamente esiguo de abitanti, la Svesia la ga na densità demografega pitosto bassa e despensada iregolarmente: la se concentro inte le principai àree metropoitane; i xe tut'ora in corso movimenti migratori da le region setentrionai verso la banda meridional e le principai cità.
Etnie
Sirca el 16.7% de la popołasion svedese(un migion e mezo cerca) la ga uno o tuti e do i zenidori de orizene foresta,[34] cofà conseguenza de le varie imigrazion inte el nord Europa, prima in termeni de forza laorativa, e sucessivamente cofà profughi politeghi.
Le etnie pì numarose dopo quela svedese le xe costituìe principalmente da persone orizenarie de la Finlandia, sevìa da Iraq, ex-Yugoslavia, Somalia, Zermania, Danimarca, Norvesa, Turchìa, Polonia, Romanìa, Russia e Iran.[35]
Lengue
La lengoa nazional la xe el svedese[36], che la partien al grupo de le lengue zermàneghe setentrionai.
Religion
Dal 1593 fin al 2000 la cïesa de Stato la xe stà quela evangelico-luterana.
El culto catòlico el xe autorisà ufizialmente solo inte el 1860[37]. La leze che la sancisse la libàrtà de culto la risal al 1951.
La magioranza de la popołasion (70%) la aderise a la cïesa evangelico-luterana.
Chei che i se dicïara àtei i xe na inportante minoransa (15%).
Ghe xe na cressente menoranza mussulmana (3%), dovùa ai flussi de imigrazion, menoranze de catolicèsemo (infra el 2% e el 3%) e de protestanti evanzèlici[38] (2%).
Sosietà
I mejoramenti sanitari i ga causà un inportante invechiamento de la popołasion: i ultra-sesanteni i xe el 22,6% de la popołasion zeneral.
Economia
El so teritorio el xe sior de legne, fero e aqua.
I Svedesi i gode de un bon livel de vita (ISU intrà i primi Paexi del mondo).
Cultura
Mùxica
Provien da ła Svèsia vari grupi muxicałi famosi a liveło internaxionałe cuałi i ABBA, i Union Carbide Productions, i Europe, i Roxette, i Ace of Base, i Rednex, ecc.
Gałeria de someje
monte Kebnekaise
łago Vänern
panorama de Göteborg
sità anseadega de Visby
Varda anca
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.