Danemarca
From Wikipedia, the free encyclopedia
La Danemarca, la xe un Stato che el se trova in tel nord de l'Europa.
La confina a sud co la Germania. La xe bagnada dal Mare del Nord a ovest e dal Mar Baltico a sudest, e la xe separada da la Norvegia e da la Svezia dai stretti de Skagerrak a nord e de Kattegat a nordest.
La xe considerà parte dei Paesi Scandinavi, ma in realtà no la se cata mia su la penìzoła scandinava. El paese el xe fato da na granda penìzoła, el Jutland, e un zentinaro de ìzołe e ìzołete (le pi grande le xe Sjælland, Fyn, Falster, Lolland, Vendsyssel-Thy e Bornholm).
Grassie a sta conformazion ziogràfega, storicamente la Danimarca la ga senpre poduo tegner d'ocio chi ndasea drento e fora dal Mar Baltico.
La Danimarca la xe na monarchia da pi de mile anni[17]: inte el 1849 la xe deentà na monarchia costituzional, e dal 1901 la xe na monarchia parlamentar.
El Regno de Danimarca (Danmarks Rige) el ciapa rento, oltre a la Danimarca vera e propria, anca le Isole Fær Øer e la Groenlandia, che i ga comunque na granda autonomia.
Dal 1973 la fa parte de l'Union Europea, mentre le Fær Øer, pur fasendo parte del regno, no le xe entrà ne l'Union, e la Groenlandia la sa tirà fora inte el 1979.
La so capital la xe Copenaghen.
Finora i danesi i ga preferio tegnerse el so scheo, la corona danese, inveze de l'euro.
Lori e i britanghi i xe i unici che i ga dei acordi speciali co l'Union Europea, che dise che no i xe obligà par forza a doparar el scheo comune se no i vol.
sito ONUESC de ła scojera de Stevns
fiume Guđena
panorama de Olbor
sito ONUESC de el Casteło de Cronborg
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
