From Wikipedia, the free encyclopedia
Franco Battiato, a l'anagrafe Francesco Battiato, (Ionia, 23 de marso 1945 – Milo, 18 majo, 2021[5]), el ze stà un cantaudor, conpozidor e rejista italian.
(2010) | |
Biografia | |
---|---|
Nasimènto | (it) Francesco Battiato 23 de marso del 1945 Giarre-Riposto (Sicìlia) (it) |
Mòrte | 18 de majo del 2021 (76 ani) Milo (CT) (Sicìlia) |
Dati personałi | |
Formasion | Università di Catania (it) |
Atività | |
Canpo de laoro | Pop, conpozision muzicałe, canto (it) , regia cinematografica (it) , sceneggiatura di film (it) , Pitura, conponimento muzicałe e musica popolare (it)
|
Laóro | cantautor
, senezador , pintor , diretor , muzegante , cantante , diretor de cine , scritor , conpozitor , sceneggiatore cinematografico (it)
|
Atività | 1967 – 2019 |
Partio | indipendente |
Intaresà par | Spiritualità (it) |
Zènare | Òpara, new wave (it) , rock progressivo (it) , musica sperimentale (it) , electro (it) e poprock |
Influense | |
Instrumento muxegałe | Voze |
Targheta discogràfega | |
Àlbun | 42 (detajo) |
Àlbun stùdio | 30 |
Àlbun dal vivo | 8 |
Partesipante in | |
1984 | Eurovision Song Contest 1984 (it) |
Repertòrio | |
Pop, Mùzega d'autor, Mùzega sperimentałe, Rock progresivo | |
Sito web | battiato.it |
|
L'artista ga fato parlar de sè par el grando nùmaro de stiłi che'l ga inprofondìo e conbinà tra de łori in modo ecletego e parsonałe: drìo l'inisiałe faze pop dei ani sesanta, el ze pasà al rock progresivo e a l'avanguardia colta inte'l desenio sucesivo.
Drìoman, el ze tornà so i pasi de ła mùzega łezera inprofondindo anca ła canson d'autor[1]. Fra i altri stiłi in cui el se ga simentà ghe ze ła mùzega etnega, cueła ełetronega e l'ópara łìrega[2]. Łongo ła so carièra, in cui el ga otenjùo un vistozo suceso de pùblego e critica, el se ga avałesto de l'ajuto de numarozi cołaboradori fra cui el viołinista Giusto Pio e 'l fiłozofo Manlio Sgalambro (coautor di tanti so brani). I so testi refelete i so intaresi, fra cui l'ezoterismo, ła teorètega fiłozòfega, ła mìstega sufi (in partegołar tramite l'influensa de G.I. Gurdjieff) e ła meditasion orientałe[3]. El muzicista se ga anca simentà in altri canpi cofà ła pitura e'l sìnema[3]. El ze uno tra i artisti co'l mazor nùmaro de reconosimenti da parte del Club Tenco, co tre Targhe e un Premio Tenco.
Tra novenbre 2012 e marso 2013 el ga portà vanti na brevisima esperiensa in cuałità de asesor al turizmo de ła Rejon Sisiliana inte ła zonta de sentrosanca del presidente Rosario Crocetta dichiarando de no vołer risever nisun conpenso[4].
El nase el 23 de marso 1945 a Riposto, ałora Ionia, in provinsia de Catania. Daspò che'l ga conseguìo ła madurità al Liceo Sientìfego "Archimede" de Acireale, e drìoman ła morte del pare (camionista e descargador de porto a New York), inte'l 1964 el se trasferise prima a Roma par po'stabiłirse a Miłan.[5] In merito al pariodo łonbardo l'artista recorda: «Miłan a chel tenpo ła jera na çità de całìgo, e me go trovà benisimo. Metevo a fruto ła me poco conosensa de ła chitara in un cabaret, el "Club 64", indove ghe jera Paolo Poli, Enzo Jannacci, Lino Toffolo, Renato Pozzetto e Bruno Lauzi. Mi verzivo el spetàcoło co do o tre canson sisiliane: mùzega pseudobaroca, fintoetnega. Inte'l pùblego ghe jera Giorgio Gaber che me ga dizesto: "Vien catarme". El zorno drìo de cheło ghe so andà. Semo deventai amighi»[5].
Dopo aver interonpesto i studi univarsitari par seguìr ła so pasion muzegałe, el publega do sìngołi par ła rivista Nuova Enigmistica Tascabile (NET) verso ła metà dei ani sesanta[6], che proponeva come ałegai dischi de canson çełebri intarpretae da cantanti poco conosùi. In ste do ocazion l'artista aparise in coertina co'l nome de batizo Francesco Battiato. El primo sìngoło contien un brano przentà al Festival de Sanremo 1965 da Beppe Cardile e Anita Harris, L'amore è partito. El segondo reprende na canson pordada al suceso da Alain Barrière: ...e più ti amo, traduzesta in italian da Gino Paoli.[7] El brano venjarà reproponesto, in una nova varsion, inte l'àlbun Fleurs 2 del 2008.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.