Remove ads
Cao Verdo o Cao Verde, el cuało nome ufisałe el ze Repùblega de Cao Verdo, (in portogheze: República de Cabo Verde[12][13]) el ze un Stato sovran insułar de l'Àfrica, situà inte el osèano Atlàntego, pì concretamente inte el arsipèłago volcànego macaronèzego de Cao Verdo, davanti de łe coste senegaleze, che consta de dieze ìzołe volcàneghe co na superfise terestre conbinada de prosimadamente 4.033 chiłòmetri cuadri[14] (1.557 mìlie cuadre[15]). Ste ìzołe łe se cata intrà i 600 e i 850 chiłòmetri (intrà 320 e 460 mìlie nàuteghe) verso òvest de Cap-Vert, situà inte el ponto pì osidentałe de l'Àfrica continentałe. Le ìzołe de Cao Verdo łe forma parte de ła ecorejon de ła Macaronèzia, insieme co łe Azore, łe Ìzołe Canàrie, Madèira e łe Ìzołe Selvàdeghe. La so forma de goerno ła ze ła repùblega semipresidensiałista.
El arsipèłago de Cao Verdo el zera stà dezabità finmente al XV sècoło[16][17][18], co che i esploradori portoghezi i ła ghea descuerta inte el 1456 co ła consevente cołonizasion de łe ìzołe[19], stabiłendo cusita el primo stansiamento eoropeo inte i tròpeghi[20]. Par via che łe ìzołe de Cao Verdo łe zera pozisionae in na ubicasion convegnente par portar vanti un roło inte el comèrcio de s-ciavi inte el Atlàntego, Cao Verdo el se ghea evolvesto economicamente pròspero durante dei secołi XVI e XVII, atraendo a comercianti, corsari e pirai.
Ła so economia ła se ghea reduzesto inte el XIX sècoło par via de ła sopresion de ła trata de s-ciavi inte l'Atlàntego[21], e tanti dei so abitanti i zera emigrai durante de sto perìodo. Sensa dubi, Cao Verdo el se ghea recuperà economicamente in forma guałiva co che el zera drio convertirse inte un inportante sentro comerciałe e un ùtile ponto de fermada inte łe prinsipałi rote marìtime p. 332. . Inte el 1951, Cao Verdo el se ghea incorporà cofà un departemento de oltramar del Portogało. El teritòrio el se ghea mantegnesto fora de ła guera cołoniałe portogheza, parò i so abitanti i ghea presionà par ła indipendensa totałe reprezentai dal Partio African par ła Indipendensa de Guinea e Cao Verdo, che par de pì el dimandava na union pułìtega co ła Guinea Portogheza continentałe. Cao Verdo e Guinea-Bissau i se ghea indipendizà da separai inte el 5 de lujo del 1975[22].
Dopo de ła so indipendensa, Cao Verdo el se ghea mantegnesto soto un rezime sociałista de partio ùgnoło finmente al 1990[23], co che el zera pasà al multipartidismo. Da chel momento, ła nasion ła ga consołidà na sòłida democrasia reprezentativa e ła se ga mantegnesto cofà uno dei paezi pì desviłupai e lìbari de Àfrica, anca se el fa fronte a consideràbiłi ostàcułi rełasionai co na constante sechesa[24]. Co poche reserve naturałi, ła so economia in desviłupo ła ze prinsipalmente orientada ai servisi, co un atension cresente inte i confronti del turismo e de l'investimento stragnero. Drio cheło che dize el censo del 2021, el ga na popołasion de 483.628 abitanti, ła majoransa de eredità africana e eoropea mista e predomenantemente de rełijon catòlega romana[25], l'85% de ła popołasion inte el 2010[26], propietà che ła spècia el pasà cołoniałe del dominio portogheze. Existe na inportante comunità de ła diàspora caoverdiana in tuto el mondo, specialmente inte i Stati Unii e Portogało, che ła sorpasa in nùmero ai abitanti de łe ìzołe. Cao Verdo el ze un sta menbro de ła Union Africana.
De contesto iberòfono, ła so łéngua ufisałe ła ze el portogheze e el paeze el ze menbro de ła Comunità de Paezi de Łéngua Portogheza[27][28].
Remove ads
Cao Verdo el xe on arcipełago de nove ìzołe de orìzane vulcànega.
Le ìzołe de Cao Verde le se cata pròpio andove che i alizei[29], i se divide. On grupo de ìzołe le se cata soravento (Santo Antão, São Vicente, Santa Luzia, São Nicolau, Ilha do Sal, Boa Vista); e n’altro sotovento (Maio, Santiago, Fogo, Brava).
El clima el ze tropicale seco, co frecuenti perìodi de sechesa.
Antighità
El capitan venesian Alvise Cadamosto [30] el ze rivà a l’arcipelago de Cao Verde in tel 1456. No ghera abitanti so le ìzołe, ma se pensa che i pescatori da le coste de l’Africa ndazese là de tanto in tanto. La citá de Ribeira Grande [31] la vegnea fondada sie ani pi tardi.
Co el tempo, le ìzołe ie diventá el punto de partensa de le navi che portaa i s-ciavi in Amèrica.
Indipendensa
El Cao Verde xe diventá indipendente in tel 1975 e xera a l’inisio uniò co la Guinea Bissau. En tel 1980, dopo che in Guinea Bissau ghe fu un colpo de stato, el Cao Verde sa meso par conto suo.
Le prime elesion democràteghe ie stá inte el 1991, e Carlos Wahnon Veiga del Movimento par la Democracia, xe diventá Primo Ministro.
Remove ads
Etnie
La popolasion atuale xe la disendente de grupi che vegnea dal Senegal e portoghexi.
Dopo secoli de matrimoni misti, el popolo de Cao Verde xe na realtà unica in tuta l’Africa
Religion
La quasi totalitá de la popolasion segue la cexa catolega, ghe picoli grupi de protestanti.
Le ìzołe no le sa mai svilupá masa parchè la sicitá no la ga mai parmeso lo svilupo de n’economia locale de susistenza.
El nome de Cao Verde vien dal Cao Verde, region del Senegal. I primi abitanti africani de le ìzołe i vegnea da sta region e i sa portá drio el nome.
Pico do Fogo
ìzoła de Santo Antão
Mindeło
Ribeira Grande
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads