Ana Mena
From Wikipedia, the free encyclopedia
Ana Mena Rojas (Estepona, 25 de febraro 1997) ła ze na cantante e atora spagnoła.
| |
| Biografia | |
|---|---|
| Nasimènto | (es) Ana Mena Rojas 25 de febraro del 1997 (28 ani) Estepona (Provincia de Màłaga) |
| Atività | |
| Ocupasion | |
| Atività | 2006 – |
| Instrumento muzicałe | Voze e chitara |
| Targheta discogràfega | |
| |
   | |
Ła so popołarità ła ze scominsiada inte'l 2006 dopo aver vinsesto ła dodezezema edision dei Veo Veo Awards, anca se ła so carièra ze decołada cuanco che ła ga partesipà a ła miniserie Marisol, la película.[1][2][3]
Biografia
Nasùa ad Estepona el 25 de febraro 1997, Ana Mena ga tacà intaresarse a ła mùzega in tènara età grasie a l'influensa dei so zenidori. Inte'l 2006 ła partesipa a ła dodezema edision dei Veo Veo Awards, indove ła ze riusìa a èsar ła vinsidora.
Inisi (2007-2013)
Inte'l 2007, dopo èsar sta ła vinsidora dei Veo Veo Awards, ła ga publegà el so primo sìngoło Esta es mi illusión.[4]
Dopo aver vinsesto el concorso My Camp Rock, ła ga partesipà a ła serie de Telecinco, Supercharly, indove ła ga intarpretà Vero Navarro. Ma ła so partesipasion pì inportante ze stà inte'l film La pelle che abito de Pedro Almodóvar.
Ła so carièra muzegałe ła ze inisiada co conpozision de cołone sonore par alcuni film, come ła za çitada La pelle che abito o Sharpay's Fabulous Adventure, indove ła ga cantà el sìngoło Voy a brillar.
Inte'l 2013 ła ga partesipà a ła serie muzegałe Vive cantando, inte'l ròło de Paula Ruiz Almagro.
Cołaborasion e Index (2016-prezente)
Inte'l 2016, ła publega el sìngoło de suceso No soy como tú crees, na canson stiłe pop che ga vadanjà tanti paragoni co l'artista americana Meghan Trainor.[5][6] Co'l sìngoło ła ze riusìa a far parte de ła łista Viral50 de Spotify in Spanja e, par do setemane consecutive, el ze stà uno dei sìngołi pì scoltai in Spanja.[7] Inazonta, grasie al so primo sìngoło, ła ze stà sełesionà cofà Spotlight Spotify Artist 2016.[8]
Drìoman ła ga publegà Loco como yo, Se fue e Ahora lloras tú, co ła cołaborasion de ła boy band CNCO co cui ła ze entrada inte ła łista dei sucesi de iTunes e ła ze deventada un trending topic non soło in Spanja, ma anca in Arzentina, Ecuador, Guatemała, Nicaragua, Costa Rica, Mèsego, Panama, Fransa, El Salvador, Uruguay e Venesueła oltre a èsar riusìa a rancurar pì de 32 milion de vizite so YouTube.[9][10][11]
El 22 de setenbre 2017 ła publega Mentira co'l cantante cołonbian RK, mentre el 16 de marso 2018, vien fora Ya es hora co Becky G e De La Ghetto.
Notasion
Wikiwand - on
Seamless Wikipedia browsing. On steroids.