El Uruguai o Uruguay, ufisalmente Repùblega Orientałe de l'Uruguai, el ze un paeze de l'Amèrica del Sud, situà inte ła parte orientałe del Cono Sud. La confina verso nordest col Braziłe — stato de Rio Grando del Sud —, a l'ovest e sudòvest co Arzentina — provinse de Corrientes, Entre Ríos, Buenos Aires, e ła Sità Autònoma de Buenos Aires (separada dal Rio de la Plata) — e el ga coste inte el osèano Atlàntego inte el sud. El cuerze 176 215km² e el ze el secondo paeze pì picenin del Sudamèrica, dopo del Surinam. Drio cheło che dize i dati del ùltimo censo de l'Istituto Nasionałe de Statìstega - INE inte el 2011, ła popołasion de Uruguay ła ze de 3 286 314 abitanti, figuranso inte ła dèzema pozision intrà i 12 paezi sudamericani.
El ze na repùblega presidensiałista sudivididesta in disnove departementi e 125 munisipi. La capitałe e sità pì popołada del paeze el ze Montevideo, co 1,3 miłioni de abitanti, e ła cuała àrea metropułitana ła riva ai 2 miłioni, finindo par raprezentar el 56,3 % del totałe nasionałe.
El ze menbro fondador de łe Nasion Unie, del Mercosur, de ła OEA e del G77, e el forma parte de altri organismi internasionałi.
El atuałe teritorio uruguayo el zera sta conosesto durante ła època cołoniałe cofà Banda Orientałe, e includesta inte ła parte de l'atuałe stato braziłegno de Rio Grando del Sud. Inte el 27 de agosto del 1828 ła zera stada firmà ła Convension Prełiminare de Paze, inte ła cuała ła zera sta stabilia ła creasion de un stato indipendiente, anca se sensa un nome ufisałe. El nome del novo stato el zera sta declarà inte ła prima Costitusion del 1830, figurando cofà «Stato Orientałe de l'Uruguay», canbiàndose par l'atuałe inte ła Reforma Constitusionałe del 1918.
El teritòrio nasionałe el ga un clima tenparà co na tenperatura mèdia de 17,5 °C, rezultando èsar zenaro el meze pì caldo, co na mèdia de 22,6 °C, e lujo el meze pì fredo, co na mèdia de 10,6 °C. Le piove łe ze abondanti e łe vària da 1000 mm par ano inte el sud ai 1500 mm inte el nord, inte ła frontiera col Brasil. Le presipitasion łe ga anca variasion stasionałi, esendo i mezi de autuno e primavera cuełi che i rezistra presipitasion pì abondanti.
Łe prinsipałi reserve econòmeghe łe ze ła agricultura, ła forestasion e l'arlevamento. Łe reserve minerare e enerzèteghe łe ze base, e łe prinsipałi indùstrie łe ze łe de carta e carton, el cimento e ła refinaria de petrojo.
Drio cheło che dize łe Nasion Unie, el ze el paeze de Amèrica Latina col liveło de alfabetizasion pì alto. De acordo al stùdio de ła organizasion Trasparensa Internasionałe, el ze el paeze de Latinoamèrica co menor Ìndaze de Percesion de ła Corusion e el 23° inte el mondo. El Programa de łe Nasion Unie par el Desviłupo (PNUD) el dize che el ze el terso paeze de Latinoamèrica (dopo de Ciłe e de Arzentina) co pì alto Ìndaze de Desviłupo Uman (IDH) e el 54º inte el mondo. Drio i reporti de ła Comision Econòmega par Amèrica Latina e el Caràibi (CEPALE), el ze uno dei paezi de ła rejon co na destribusion dei rèditi pì ecuałe, co un Coefisente de Gini del 0,39. El ze anca el cuarto paeze de Latinoamèrica (dopo de Cuba, Costa Rica e Ciłe) co ła speransa de vita pì alta. Inte l'ano 2018 el ze el terso paeze de Latinoamèrica (dopo de Panama e del Chiłe) col PIL (PPA) pro càpite pì alto.
La Corporasion Latinobarómetro, inte un stùdio fazesto inte el 2008, el lo pone cofà el paeze pì pasìfego de l'Amèrica Latina. Par de pì, drio cheło che dize ła revista statunidense International Living el ze el mejo de Latinoamèrica andove vìvar. Sta istesa punlegasion ła segura che el paeze el ze ponesto intrà i vinti paezi pì seguri del mondo, mentre che ła publicasion britànega The Economist, lo pone intrà i vinti pì democràteghi, esendo l'ùgnoło paeze sudamerican considerà da sto ìndaze cofà na «democrasia piena».
Zeografia politega
L'Uruguay l'è na repùblega presidensiale e el cao de Stato l'è Tabaré Vázquez dal 1 marzo 2015.
La so cavedal l'è Montevideo.
Organizasion teritoriałe
Goerni departementałi
I goerni de ogni uno dei 19 departementi i se organiza in somejansa del goerno sentrałe, co do òrgani fondamentałi: el Intendente Munisipałe (Ezecutivo), e ła Zonta Departementałe (Lejislativo). I se òcupa dei "cònpiti domésteghi" del departemento, trasporti, seguresa de łe sità, mondìsie, netesa urbana, intrà chełe altre funsion. I ga reserve monedàrie propie, in particułar inposte sui veìcułi imatricołai inte el departemento ("patente de sircołasion") e i imòbiłi inte l'àrea departementałe "contribusion imobiłiària", tasa de lumenasion pùblega, tasa sui servisi izènego-sanitari, etc.).
- El Intendente el vien ełezesto diretamente dai sitadini iscrivesti inte el rezistro sìvego de sto departemento, in ełesion che łe se fa in 19 sircoscrision (una par ogni departemento) in na data difarente da ła ełesion nasionałe (ła secondo doménega del meze de majo sevente).
- Le Zonte Departementałi łe ze organismi unicamarałi conponesti da 31 consejeri. El partio pułìtego che el ciapa ła majoransa sénplega de votasion el se ciapa 16 incarghi inte i conseji e el resto el vien dividesto intrà tuti chełi altri partii in proporsion ai voti otegnesti.
- La reforma costitusionałe del 1997 ła ghea istitusionałizà el Congreso Nasionałe de Intendenti, col fin de coordenar łe pułìteghe dei Goerni Departementałi par permétar a sti cuà de coordenarse col Poder Ezecutivo o co altri òrgani del Stato.
Sudivizion aministrative
El Uruguay el ze dividesto in 19 departementi e el ga 125 munisipi, ogni uno dei cuałi el ga na popołasion conpagna o pì alta de 2000 abitanti:
| Sudivizion aministrative de Uruguay | ||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||
Munisipi
Drio ła leje N.º 18567 del 13 de setenbre del 2009 łe zera stae creae entità locałi ciamae munisipi, co òrgani de sìncue menbri. El so presidente el recepise ła denomenasion de "sìndaco" e chełi altri menbri del consejo cheła de "consejeri". I menbri i se ełeze par voto direto de ła sitadinansa cofà che se fa par i Intendenti e łe Zonte Departementałi. Par ła leje N.º 18.653 del 15 de marso del 2010 i se ghea definio 89 munisipi, el cuało teritorio no cuerza ła totałità del paeze.
I poderi de sti òrgani locałi i ze racuanto limitai e i se baza fondamentalmente inte ła dełegasion de funsion che i goerni departementałi i ghe dasa. I munisipi no i ga un so budget e no i ga so funsionari e łe so reserve econòmeghe łe vien date dal goerno sentrałe e dai departementi.
Demografia
El ga 3 339 237 abitanti.
La so łéngua uficiale el xe el spagnolo.
Gałeria de someje
Sero Catedral
Rio Negro a ła altesa de el Łago Rincon del Bonete
panorama de Salto
sentro istorego de Cołonia del Sacramento, patrimonio ONUESC
Notasion
Altri projeti
Łinganbi forèsti
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
