ator e comico statunitense From Wikipedia, the free encyclopedia
Alexander Rae Baldwin, dito Alec (Amityville, 3 de avriłe, 1958), el ze un ator, dopiador, ativista e comico statunitense. Durante ła so carier el ga risevesto diversi premi e nomination tra cui tre Emmy Awards, oto Screen Actors Guild Awards, tre Golden Globe, na nomination al Tony Award al mejo ator protagonista in un'òpara teatrałe par el so łaoro a Broadway e una candidatura a l'Oscar al mejo ator non protagonista per The Cooler.
Nasesto int'el 1958 a Amityville, primo dei cuatro fiòłi masci dei coniuzi Carolyn e Alexander Baldwin, ła so fameja ła ga orizene irlandeze, franseze e britàneghe. Za a 9 anni el ze protagonista de un filmin amatoriałe dal titoło Frankenstein. Prima de calcar el palcosènego el łaorà cofà camarier, autista e vendidor de majete.[1] El ga tre fradełi, tuti atori: Daniel, William e Stephen, conosesti cofà i fradełi Baldwin. So pare ze morìo de cancro inte'l 1983.
Inte'l 1979 el entra inte ła prestijoza Academy Studios e a l'età de 28 ani el debuta inte'l film tełevizivo La divisa strappata (1986) de Glenn Jordan. El suceso de l'òpara ło porta a ezordir inte'l sìnema co Forever Lulu (1987) e da cua scumisia ła scałada co Beetlejuice - Spiritello porcello (1988) de Tim Burton e Talk Radio (1988) de Oliver Stone. Inte l'isteso ano el darà vita a do memorabiłi parsonazi de "sciupafemmine", in Una donna in carriera e Una vedova allegra... ma non troppo, che i detarminarà ła so aseza a Hollywood. Inte'l 1989 el partesiparà al film biogràfego Great Balls of Fire! - Vampate di fuoco. Dopo l'intarpretasion de psicopàtego in Miami Blues (1989), infati, Baldwin otien ròłi inportanti in film de primo pian come Caccia a Ottobre Rosso (1990) co Sean Connery. Anca Woody Allen ło nota e ło inpiega in Alice (1990) con Mia Farrow.
Inte'l film Bella, bionda... e dice sempre sì, del 1991,[1] el incontra ła futura mujer Kim Basinger; Baldwin sèita ła so cariera co Americani (1992), Malice - Il sospetto (1993) darénte a Nicole Kidman e Getaway (1994), remake del film di Sam Peckinpah. Dopo calcee flop (L'Uomo Ombra del 1994) ła cariera de Baldwin ła subise na batùa d'aresto, parsialmente conpensada da ròłi da cativo cofà cueło del killer de Il giurato (1996), del somejaro invidiozo de L'urlo dell'odio (1997) e del misteriozo cołonneło in Codice Mercury (1998). Inte'l 2002 el ze protagonista del film Hollywood, Vermont e inte l'isteso ano el divorsia da ła Basinger.[1]
.jpg)
Da scominsio del novo sècoło Baldwin par esare spesiałizà inte'l ròło de arogante capitan de industria, e el ze tanto domandà in film de spico, cofà Il gatto... e il cappello matto (2003) de Bo Welch, The Aviator (2004) de Martin Scorsese, Elizabethtown (2005) co Orlando Bloom e Kirsten Dunst, Dick & Jane - Operazione furto (2005) con Jim Carrey, The Departed - Il bene e il male (2006) de Scorsese e The Good Shepherd - L'ombra del potere direto e interpretà da Robert De Niro.[2]
Baldwin ga direto e recità in Il diavolo e Daniel Webster co Anthony Hopkins, Jennifer Love Hewitt e Dan Aykroyd inte'l 2001. El film inedito ze devegnesto na resorsa in un proceso de defraudo de ła banca federałe cuando che l'investidor Jed Barron l'è stà condanà par frado bancario menre el film jera in produsion. El film ze stà infin acuizìo da The Yari Group sensa el coinvolzimento de Baldwin.
Dal 2006 al 2013, el ga intarpretà el ròło de Jack Donaghy inte ła serie TV 30 Rock in onda so l'emitente NBC. El ga prezentà, insenbre a Steve Martin ła serimonia dei Premi Oscar 2010. Inte'l 2009 el anuncia el só ritiro da ator, propozito ritirà in cuanto l'ator ga recità in alcuni film tra cui Hick, Rock of Ages, To Rome with Love, AmeriQua e Le 5 leggende indove el inpresta ła propia voze a Babbo Natale. El 4 febraio 2012 el ga prezentà el spetàcoł de premi NFL Honors 2011. El ga po' prezentà anca l'edision sucesiva el 2 de febraro 2013.
Inte'l 2014 el partesipa a fianco de Julianne Moore al film Still Alice (2015), che ghe ga consejà el ròło par ver ła posibiłità de łaorar da novo insenbre. Inte'l 2016 durante ła canpagna par łe ełesion presidensiałe dei Stati Unìi el propone na riusìa imitasion de Donald Trump par el programa Saturday Night Live, cołaborando co Kate McKinnon che interpreta el ròło de Hillary Clinton. Inte'l 2017 el ze intrà i dopiadori, inte ła varsion orizenałe, del cartone anemà Baby Boss.[3]
Inte'l 2016 Baldwin ga inisià a prezentar na nova varsion del zogo Match Game so'l canałe ABC. Inte'l 2017, el ze subentrà cofà condutor ùnego de The Essentials de TCM dopo ła morte del só co-condutor, Robert Osborne. El 3 de marso 2018, dopo ła trasmision dei 90th Academy Awards, ła ABC ga trasmetesto un epizodio de anteprima del talk show The Alec Baldwin Show, a l'epoca ciamà Sundays With Alec Baldwin, che gavarìa debutà formalmente co un ordene de nove epizodi in ùtuno.
Baldwin ga recità in Mission: Impossible - Rogue Nation, ła cuinta pontada de ła serie Mission: Impossible, rełasada el 31 de łujo 2015 e'l riprende el ròło in Mission: Impossible - Fallout, rełasà el 27 de łujo 2018. El 27 de agosto 2018, ze stà anuncià che Baldwin se sarìa unìo al cast de Joker, intarpretando Thomas Wayne, só pare de Bruce Wayne. Drìoman, el 29 de agosto 2018, Baldwin se ga ritirà dal ròło a cauza de altri inpegni.[4]
Inte'l majo del 1990, Baldwin ga conosùo l'atora Kim Basinger durante łe ripreze del film Bella, bionda... e dice sempre sì.[5] I due si sono sposati il 19 agosto 1993[6] e hanno avuto una figlia, Ireland, nata il 23 ottobre 1995.[7] Baldwin e Basinger i se ga separà el 5 de disenbre 2000[5] e i ga divorsià el 3 de setenbre 2002.[8] Drìoman a un turbołento divorsio, Baldwin ga afrontà na łonga e dura bataja łegałe par poder sèitar a védar e frecuentar só fiòła.
Inte l'agosto 2011, Baldwin ga inisià a andar fora co Hillary Thomas, deso conosesta cofà Hilaria, na istrutora de yoga e cofondatora de ła caena Yoga Vida a Manhattan, New York. Baldwin e ła Thomas i se ga trasferìo da l'Upper West Side a Greenwich Village in agosto.[9] Ła cubia ła se gà fidansà ofisialmente inte l'avriłe2012[10] e ła se ga spozà el 30 de zugno 2012 inte ła catedrałe de St. Patrick a New York.[11] El 23 de agosto 2013 i deventa zenitori de na puteła ciamada Carmen Gabriela[12] e el 17 de zugno 2015 i ga n'altro fiòło, Rafael; el 12 de setenbre 2016 ze nasesto el teso fio, Leonardo Àngel Charles,[13] mentre el 17 de majo 2018 ze ła volta del cuarto, Romeo Alejandro David. L'8 de setenbre 2020 ze nasesto Eduardo Pau Lucas. Inte'l 2021, infin, ze naseta da na mare surogà ła fiòła Lucia.[14]
Inte'l 2014, el ze stà fermà co'l jera drìo guidar ła so bicicleta a straman so na strada a senso ùnego. L'ator, sensa documenti, el ga sigà drìo contro łe do azenti che ło ga drìoman arestà[15]
El 26 de novenbre 2018, el ze conparìo in un tribunałe de New York par afrontar na acuza de agresion e mołestie daspò na desptua de parchegio inte'l West Village de Manhattan el 2 de novenbre. El 23 de zenaro 2019, Baldwin se ga dichiarà colpevołe de mołestie e el ga acetà de frecuentar un corso de zorno par ła zestion de ła rabia.[16]
El 21 de otobre 2021, durante łe ripreze so'l set del film Rust, Baldwin ga invołontariamente cauzà ła morte de ła diretora de ła somejaHalyna Hutchins e 'l ferimento del rezista Joel Souza,[17] sbarando co na arma cargà co pìrołe vere[18]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
