From Wikipedia, the free encyclopedia
Na soap opera (plur.: soap operas; de frecuente abrevià in soap) xe un sotogenere del serial tełevixivo, nato inte i ani trenta inte i Stati Unii come genere radiofonico[1][2] e che se caraterixa pa' ła mesa in onda sołitamente quotidiana[1] e pa' el fato de 'vere un copion che se dipana in modo indeterminà inte el tenpo, sensa na concluxion xà prestabiłìa[1] (carateristica che distingue łe soap operas da łe telenovelas sudamericana[3]).
El termine "soap opera", che leteralmente vorìa dire "opera saponeta" (ingl. soap = "saòn" + ingl. opera = "opera"), deriva dal fato che łe prime trasmision de 'sto genere łe zera sponsorizà da industrie che vendeva detersivi o saòn.[1][2]
Ła prima soap opera tełevixiva de ła storia xe considerà Guiding Light (conossuda in Italia come "Sentieri")[1], 'ndà in onda pa' ła prima volta in radio inte el 1937[1] e in tełevixion inte el 1956[4].
Łe soap operas se carateriza par ła durata mèdia dei episodi che varia dai 20 ai 30 minuti[1] e pa' ła lentesa del ritmo e dei diałoghi[1], co riprese de frecuente in interni.
Protagoniste de łe soap operas xe de sołito de łe fameje de siori, co personaji che i vive storie d'amore travaglià e che de frecuente i xe sensa scrupołi inte i afari.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
