Isaac Newton
From Wikipedia, the free encyclopedia
From Wikipedia, the free encyclopedia
Sir Isaac Newton FRS (4 de genaro 1643 - 31 de mars 1727)[1] el xe stato on fìxego, matemàtego, astrònomo, fiłòxofo, alchimista e teòłogo inglexo che el gnen persepio e considerà da on bon nùmaro de studioxi e da la gran parte de la xente cofà uno dei omi pì influenti inte ła stòria.[2] La so publegasion del 1687 de Philosophiæ Naturalis Principia Mathematica (ciamà de solito Principia) ła xe considerà far parte dei libri pì influenti de la storia de ła siensa, ciapando drento el laoro baxe de la gran parte de la mecànega clàsega. Ten sto laoro, Newton el descrivea la leje de ła gravitasion universałe e le tre leje so el moto che par i tresento ani dopo le ga dominà la visxon sentìfega so el universo fìxego. Newton el ga dasà vedar che al movimento de łe robe inte la Tera e dei corpi sełesti el gnen goernà da na serie de leji naturai dimostrando ła vałidità de la so descuerta recavando le Leji de Keplero e la so teoria de la gravitasion, cavando cosita i ùltemi dubi so el eliosentrismo e fando gner ignansi ła revołusion sentìfega.
Newton el ga fato anca al primo tełescòpio riflesivo[3] e svilupà na teoria dei cołori baxada so la oservasion che on prisma triangolar el deconpone ła luxe bianca inte difarenti colori che i forma el spetro vixìbiłe. El ga formulà anca na leje enpìrega so el rafredamento e el ga studià la velosità del sono.
In matemàtega, Newton el spartise al mèrito co Gottfried Leibnitz par el desviłupo de el càlcoło infiniteximałe. el ga anca dimostrà i teoremi binomiałi generalixai, desvilupando el cusì ciamà "mètodo de Newton" par prosimar i xeri de na funsion, e el ga contribuio a el stùdio de łe sèrie de potense.
Newton el resta oncora influente inte łe siense, come che el ga demostrà on studio fato inte el 2005 da la Royal Society su siensiai e so el pùblego de la Gran Bretagna domandàndoghe chi che el ga avesto on efeto pì grando so la siensa intrà Newton e Einstein. Newton el xe rexultà cheło che el ga avesto el pì grando efeto inte la storia de łe siense, anca se i do omi i xera arente co el xera ora de dir chi che el gavese contribuio de pì par la umanità.[4]
El stòrego Stephen D. Snobelen el dixe inte i revardi che "Isaac Newton el xera on erètego", ma no el ga mai fato na declarasion pùblega de ła so fede privada. Eło el ga tegnesto la so fede sconta tanto da far che i studioxi no i sia oncora stai boni de ciarirse so el so credo."[5] Snobelen el ga concludesto che Newton a la fin el xera on sinpatixante Socinian (in ùltem ghea lexesto połito almanco oto libri sociniani), fursi on Arian e cuaxi de seguro on antitrinitarian[5]. Inte na età cognosesta par la so intoleransa relijoxa che ghe xera diverse espresion publeghe de la vixion radicałe de Newton.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.