Portugaliyalik futbolchi From Wikipedia, the free encyclopedia
Luís Carlos Almeida da Cunha (1986-yil, 17-noyabrda tugʻilgan)[4] — Nani nomi bilan tanilgan portugaliyalik professional futbolchi.
 Nani Portugaliya terma jamoasi safida (2017) | |||
| Shaxsiy maʼlumot | |||
|---|---|---|---|
| Toʻliq ismi | Luís Carlos Almeida da Cunha[1] | ||
| Tavallud sanasi | 17-noyabr 1986-yil[2] | ||
| Tavallud joyi | Amadora, Portugaliya | ||
| Boʻyi | 1.77 m[3] | ||
| Ampluasi | Yarim himoyachi | ||
| Klub maʼlumoti | |||
Joriy klub | Adana Demirspor | ||
| Raqami | 30 | ||
| Yoshligida aʼzo boʻlgan klublar | |||
| 2000–2003 | Real Massamá | ||
| 2003–2005 | Sporting CP | ||
| Professional faoliyati* | |||
| Yillar | Jamoa | Isht. | (Gol.) |
| 2005–2007 | Sporting CP | 58 | (9) |
| 2007–2015 | Manchester United | 147 | (25) |
| 2014–2015 | → Sporting CP (loan) | 27 | (7) |
| 2015–2016 | Fenerbahçe | 28 | (8) |
| 2016–2018 | Valencia | 25 | (5) |
| 2017–2018 | → Lazio (loan) | 18 | (3) |
| 2018–2019 | Sporting CP | 18 | (7) |
| 2019–2021 | Orlando City | 77 | (28) |
| 2022 | Venezia | 10 | (0) |
| 2022–2023 | Melbourne Victory | 10 | (0) |
| 2023– | Adana Demirspor | 8 | (2) |
| Milliy terma jamoa | |||
| 2006–2007 | Portugaliya U21 | 11 | (1) |
| 2006 | Portugaliya B terma jamoasi | 1 | (0) |
| 2006–2017 | Portugaliya terma jamoasi | 112 | (24) |
| Xalqaro medallar | |||
|
*Professional klublardagi gollari (ichki chempionat) (2023-yil 6-oktyabr uchun) | |||
Nani oʻz faoliyatini Sportingda boshlagan. 2003-yilda klubning yoshlar jamoasiga qoʻshilgan. 2005-yilda asosiy jamoa safida oʻz debyutini amalga oshirgan. Portugaliyadagi ikki yillik faoliyati davomida Portugaliya kubogini qoʻlga kiritgan. 2007—2008-yilgi mavsum oldidan Nanining oʻyini Angliyaning „Manchester United“ klubi eʼtiborini tortgan va 2007-yilning iyul oyida Manchesterliklar Nani bilan shartnoma imzolashgan. Manchester United klubiga kelishi bilan asosiy jamoa futbolchisiga aylangan. Klub safida toʻrtta Premer-liga chempionligi, ikkita Liga kubogi, klublar oʻrtasidagi jahon chempionati va UEFA chempionlar ligasida chempionlikni qoʻlga kiritgan. Shundan soʻng, ijara asosida Sporting klubiga oʻtgan va Portugaliya kubogini qoʻlga kiritgan. 2015-yilda Turkiyaning „Fenerbahche“ jamoasi bilan shartnoma imzolagan. Bir yildan soʻng esa Ispaniyaning „Valensiya“ klubi bilan shartnoma imzolagan. 2018-yilda yana Sporting safiga qaytgan. Shu mavsumda Portugaliya kubogi va Portugaliya liga kubogini qoʻlga kiritgan. Mavsum yakunlangach AQSh chempionatida ishtirok etuvchi „Orlando City“ klubi safiga borib qoʻshilgan. 3 mavsum davomida Orlando City klubi sardori sifatida oʻyinlarda ishtirok etgan va 2021-yil oxirida ushbu klubni tark etgan. 2022-yilning yanvar oyida Italiyaning Venezia klubi bilan shartnoma imzolagan. 2023-yil 13- iyulda Turkiyaning Adana Demirspor klubi bilan shartnoma imzolagan[5]. Adana Demirspor safida 34 ta uchrashuvda maydonga tushib, raqiblar darvozasini 4 marta ishgʻol etgan va 3 ta golli uzatmaga mualliflik qilgan. 2024-yil 13-mayda Nani va Adana Demirspor klubi oʻrtasidagi shartnoma bekor qilingan[6].
Nani Portugaliya terma jamoasi safida 2006-yilda debyut qilgan va oradan koʻp oʻtmay terma jamoa safida ilk golini urgan. Shu tariqa, jamoaning asosiy futbolchilaridan biriga aylangan. Uchta Yevropa chempionati (2008, 2012 va 2016) va 2014-yilgi jahon chempionatida Portugaliya sharafini himoya qilgan. Nani 2016-yilgi Yevropa chempionati finalida asosiy tarkibda maydonga tushgan[7]. Final oʻyinida Cristiano Ronaldo jarohat olib, maydonni tark etganidan soʻng, oʻyinning qolgan qismini jamoa sardori sifatida oʻtkazgan va Portugaliyaningg gʻalabasiga oʻz hissasini qoʻshgan. Nani Terma jamoa safida jami 112 oʻyin oʻtkazib, raqiblar darvozasiga 24 ta toʻp kiritishga muvaffaq boʻlgan[8].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
