Thor: Ragnarok
From Wikipedia, the free encyclopedia
Thor: Ragnarok 2017-yilda chiqarilgan superqahramonlar haqidagi filmdir. Marvel Studios tomonidan ishlangan va Walt Disney Studios Motion Pictures tomonidan tarqatilgan. Film gʻoyasi Marvel komikslaridagi Thor personajiga asoslangan. Film 2011-yilda ishlangan Thor va 2013-yilda ishlangan Thor: Zulmat dunyosi filmlarining davomi hamda Marvel kinematografiya koinoti (MKK) ning oʻninchi toʻliq metrajli filmidir. Film rejissyori — Taika Waititi, ssenariy mualliflari — Eric Pearson, Craig Kyle va Christopher L. Yost. Filmda bosh rollarni Chris Hemsworth (Thor sifatida), Tom Hiddleston, Cate Blanchett, Idris Elba, Jeff Goldblum, Tessa Thompson, Karl Urban, Mark Ruffalo va Anthony Hopkins ijro etgan.
Thor: Ragnarok | |
---|---|
![]() Film posteri | |
Rejissyor(lar) | Taika Waititi |
Prodyuser(lar) | Kevin Feige |
Ssenariynavis(lar) | |
Rollarda | |
Bastakor(lar) | Mark Mothersbaugh |
Kinematografiya | Javier Aguirresarobe |
Muharrir(lar) |
|
Studiya(lar) | Marvel Studios |
Distribyutor |
Walt Disney Studios Motion Pictures |
Chiqarilgan sanasi |
|
Davomiyligi | 130 daqiqa[1] |
Mamlakat |
![]() |
Til | inglizcha |
Byudjeti | $180 million[2] |
Daromadi | $854 million[2] |
Thor turkum filmlarining uchinchisi boʻlgan ushbu kinokartina haqidagi ilk xabar 2014-yilning yanvarida eʼlon qilingan. Unda Kyle and Yost film ssenariysi ustida ishlashayotgani bayon etilgan. Chris Hemsworth va Tom Hiddlestonning filmda suratga tushishi shu yilning oktyabr oyida eʼlon qilingan. Oradan bir yil oʻtib, Thor: Zulmat dunyosi rejissyori Alan Taylor filmga rejissyorlik qilmasligi maʼlum boʻlgach, rejissyorlikka Taika Waititi tanlangan. Mark Ruffaloning avvalgi MKK filmlarida gavdalantirgan Hulk roliga qaytishi esa „Planet Hulk“ („Hulk sayyorasi“) (2016) komiksining baʼzi unsurlarini Ragnarok bilan birlashtirish imkonini bergan. 2016-yilning mayida Cate Blanchett va boshqa qolgan aktyorlarning filmda suratga tushishi ommaga eʼlon qilingan. Filmni suratga olish ishlari Avstraliyaning Brisbane va Sidney shaharlarida boʻlib oʻtgan.
Thor: Ragnarok filmining ilk namoyishi 2017-yilning 10-oktyabrida Los-Anjeles shahrida boʻlib oʻtgan. Shu yilning 3-noyabridan boshlab AQSh kinoteatrlarida 3D, IMAX va IMAX 3D formatlarida namoyish etila boshlagan. Film aktyorlar ijrosi, musiqasi va yumori uchun kinotanqidchilar tomonidan xush qarshilangan. Koʻpchilik kinotanqidchilar mazkur filmni Thor trilogiyasining eng yaxshisi, deb taʼkidlashgan. Kartina umumjahon boʻylab kinoprokatlarda $854 million mablagʻ toʻplab, 2017-yilning toʻqqizinchi eng kassabop filmiga aylangan. Filmning davomi 2022-yilning 8-iyulida chiqarilgan.