From Wikipedia, the free encyclopedia
Shoh Ahmad Shafi (bengalcha: শাহ আহমদ শফী) (1916 — 2020-yil 18-sentyabr) Bangladeshlik sunniy islom olimi, Bangladeshdagi Hefazat-e-Islam tashkiloti rahbari, Al-Jamiatul Ahlia Darul Ulum Moinul Islom Hathazariy rektori, shuningdek, Bangladesh Qavmi madrasasi taʼlim kengashi raisi edi[1][2][3]. 1916-yilda (1334-1335-hijriy) Chittagongning Ranguniya shahrida tug‘ilgan. Hathazari madrasasi va Dorul Ulum Deobandda tahsil olgan[4].
Shayxul hadis, Shoh Ahmad Shofiy | |
---|---|
![]() | |
Shaxsiy maʼlumotlar | |
Tavalludi | 1916 |
Vafoti |
18-sentyabr 2020-yil (104 yoshda) |
Dini | Islom |
Millati | Bangladeshlik |
Fuqarolik |
Britaniya Hindistoni (1916-1947) Pokiston (1947-1971) Bangladesh (1971-2020) |
Era | Zamonaviy davr |
Mazhab | Sunniy |
Yurisprudensiya | Hanafiy |
Imom | Moturidiy |
Oqim | Devbandiylik |
Asosiy qiziqish(lar)i | Hadis |
Mashhur ish(lar)i | Hefazat-e-Islam Bangladesh tashkilotchisi |
Alma mater | Dorul ulum Deoband |
Tariqat |
Qodiriylik Chishtiylik Soharvardiy Naqshbandiylik |
Kasbi | Ulamo |
1916-yilda (1334-35 hijriy) Chittagongning Ranguniya shahrida tugʻilgan. Boshlang‘ich taʼlimni oilasidan olgan. Keyin „Al-Jamiatul Arabiatul Islamia“ga borgan[5]. 1926-yilda (1344-1345 hijriy) 10 yoshida Al-Jamiatul Ahlia Dorul Ulum Moynul Islomga qabul qilingan. Xathazari madrasasida 10 yil tahsil oldi. Keyin Shofiy hadis va tafsir sohasida oliy taʼlim olish uchun Dorul Ulum Deobandga yoʻl oldi.
Shofiy Bangladeshda taniqli islom olimi edi. Deobandda to‘rt yil o‘qib, vatani Bangladeshga qaytdi. Darul ulum Deobandda oʻqish davrida Husayn Ahmad Madaniy bilan yaqin boʻldi va keyinchalik Hindiston yarimorolidagi eng yosh rasmiy voris boʻldi. Ahmad Shafiy Hifazat-E-Islam Bangladesh (siyosiy boʻlmagan islom tashkiloti) rahbari edi.
Ahmad Shofiy oʻz faoliyatini Chittagongdagi Al-Jamiatul Ahlia Dorul Ulum Moinul Islam Hathazari(Hathazari madrasasi) da oʻqituvchilikdan boshlagan. 1986/1987-yillarda (hijriy 1407) Hathazariy madrasasiga rektor (Universitet madrasasi mudiri) etib saylangan. Shafi, shuningdek, Bangladesh Qavmi Madrasa Taʼlim Kengashining raisi edi[1].
Shoh Ahmad Shofiy majlis-e-Sho‘ro qaroriga ko‘ra, „Al-Jamiatul Ahlia Dorul ulum Moinul Islam“, yaʼni „Hathazari“ madrasasi bosh direktori lavozimida ishlashda davom etishi kerak edi. „Shofi tirik ekan, hech kim madrasa rektori vazifasini bajaruvchi etib tayinlanmaydi“, degan edi Hefazat rahbari matbuot kotibi Munir Ahmad[6].
2009-yilda (1430-hijriy) Ahmad Shofiy, Azizul Haq va boshqa Bengal musulmon olimlari Bosh vazir Shayx Hasina Vazedga yo‘llagan qo‘shma bayonotida Islom nomidan sodir etilgan terrorizm va jangarilikni qoraladilar[7].
2013-yilda Ahmad Shafining Chittagongdagi Hathazarida qilgan nutqi juda bahsli deb taʼriflangan[8]. Aytishlaricha, u: „Nega qizlaringizni tikuvchilik fabrikalariga ishga yuboryapsizlar? . . . Ular bomdoddan keyin 7/8:00da ishga ketadi va hatto 8/10/12da ham qaytib kelmaydi. . . Siz qizingiz qaysi erkak bilan gaplashayotganini bilmaysiz. Qanchalik zinoga aralashayotganini bilmaysiz“, degan[8].
Bu izohlar uning qamoqqa olinishini talab qilgan ayollr huquqlari faollarining noroziligiga sabab bo‘ldi[9]. Bangladesh Bosh vaziri Shayx Hasina bu bayonotni „jirkanch“ va „noxush“ deb atadi[10].
Avami Ligasi Shofiyni Bangladesh Jamoati Islomining yetakchisi deb taʼriflagan boʻlsa-da, tahlilchilarga koʻra, Ahmad Shafi Jamoatdan farqli oʻlaroq, Bangladesh mustaqilligiga qarshi boʻlmagan va birlashgan Hindistonni qoʻllab-quvvatlagan va 1947-yilda Pokistonning tashkil etilishini rad etgan islomchilar guruhiga mansub boʻlgani juda dargumon[4].
Shofiy koʻp yillar davomida turli kasalliklar, jumladan qandli diabet va yurak kasalliklari bilan ogʻrigan. 2020-yil 17-sentyabr yarim tunda Shofiy jismoniy holati yomonlashgani sababli tez yordam mashinasida Hathazari madrasasidan Chittagong tibbiyot kolleji kasalxonasiga (CMCH) olib kelindi[11]. Keyinroq bosim va yurak urish tezligi pasayganligi sababli shifoxonaning 3-qavatidagi reanimatsiya bo‘limining 6-xonasiga yotqizilgan[12].
2020-yil 18-sentyabr kuni ertalab tibbiy kengash tuzilib, uni yaxshiroq davolash uchun Dakkaga ko‘chirish taklif qilindi[13]. Shifokorlar maslahatiga ko‘ra, oila aʼzolari Shofiyni yaxshiroq davolash uchun soat 16:30da tez tibbiy yordam mashinasida Dakkadagi Asgar Ali kasalxonasiga olib ketishdi. Hefazat-e-Islom Bangladesh rahbari muftiy Muhammad Fayzulloh juma kuni soat 18:00da Shofiyning vafot etganini tasdiqladi[14]. Vafot etganida 103-104 yoshda edi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.