From Wikipedia, the free encyclopedia
Muhiuddin Xon (bengalcha: মুহিউদ্দিন খান; 1935-2016) Bangladeshlik islom olimi[1][2][3][4][5] va „Monthly Madina“ gazetasining sobiq muharriri[6]. Xon Qur’on sharhlovchisi, jurnalist, shoir, yozuvchi va tarjimon ham boʻlgan[7][8][9]. U birinchi marta Maariful Qur’on tafsirini bengal tiliga tarjima qilgan[10].
Muhiuddin Xon | |
---|---|
Fayl:Muhiuddin Khan.jpg | |
Shaxsiy maʼlumotlar | |
Tavalludi | 19-aprel 1935-yil |
Vafoti |
25-iyun 2016-yil (81 yoshda) |
Dini | Islom |
Mazhab | Sunniy |
Yurisprudensiya | Hanafiy |
Oqim | Devbandiy |
Asosiy qiziqish(lar)i | Tafsir |
Mashhur fikr(lar)i | Siyrat adabiyoti, Bengal tilidagi islom adabiyoti amaliyoti |
Mashhur ish(lar)i | Mashik Madina, Maariful Qurʼan tarjimasi |
Alma mater | Hukumat madrasasi Aliya |
Ustozlar | Abdur Rahmon Koshgʻariy |
Xon 1935-yil 19-aprelda Bengal viloyati Kishoreganj tumani Pakundiyadagi Chxaychir qishlogʻida ona tomonidan bobosining uyida tugʻilgan. Onasining ismi Musammat Robiya xotin. Xon asli Mymensingh tumanidagi Gafargaon shahrida joylashgan Ansarnagarlik bengal musulmon oilasiga mansub edi. Otasi Hakim Ansoruddinxon maorifchi va mavlaviy edi[11]. Xon madarasada 1951-yilda Aalim, 1953-yilda Fozil darajasidan oʻtgan. 1953-yilda Dakkadagi Hukumat madrasasi Aliyaga oʻqishga qabul qilingan. U yerda Abdurrahmon Koshgʻariy va boshqa allomalardan tahsil olgan. Xon madrasada 1955-yilda hadis ilmida komil, 1956-yilda fiqh boʻyicha komil ilmiy darajasini oldi[12][13].
Xon 1960-yilda Weekly Naya Jamana, 1963—1970-yillarda Monthly Dishari jurnali tahririyatida ishlagan. 1961-yildan to vafotigacha Monthly Madina va Aaj (Bugun) gazetasining muharriri boʻlib ishlagan[14]. Xon 1988-yilda Saudiya Arabistonida joylashgan Rabataye Aalame Islami xalqaro tashkiloti markaziy ijroiya qoʻmitasi aʼzosi etib tayinlangan[15]. Gʻarbiy Bengaliya, Assam, Tripurada taniqli yozuvchi boʻlgan[16]. Xon Mutamar al-Alam Al-Islomi Bangladesh birligi prezidenti, Bangladesh Jatiya Seerat qoʻmitasi asoschisi[17], Nastik-Murtad Protirud Andolon Islami Murcha raisi va Jamiyat Ulamae Islom rahbari edi[18][19][20].
Xon 1971-yilgi Bangladesh ozodlik urushi davrida bengallik ozodlik kurashchilari bilan hamkorlik qilgan va ularga yordam bergan[21]. 1976-yil dekabr oyida Bangladesh Jamiyat Ulema-e-Islom tashkiloti Patuaxali jome masjidida konferensiya oʻtkazdi. Unda Azizul Haq partiya prezidenti, Xon esa bosh kotibi etib tayinlandi. Xon ushbu lavozimda 1978-yilgacha ishladi. 1996-yilgi Jamiyat Markaziy kengashida Xon 51 aʼzodan iborat ijroiya kengashi ijrochi prezidenti etib tayinlandi. Kengashning sobiq prezidenti Ashraf Ali Bishvanati 2005-yil 20-mayda vafot etgach, Xonga prezident vazifasini bajaruvchi mas’uliyati yuklandi[22].
Xon islom adabiyotini Bangla tilida yozgan, tahrir qilgan va nashr etgan[23][24][25]. U Muhammadning adabiyotning alohida va noyob mavzusi boʻlishi mumkinligini anglab yetdi. Bugungi kunda siyrat adabiyoti bengal tilining boy qismidir[26]. 105 ga yaqin kitoblarni tarjima qilgan va jamlagan[27][28][29]. Muhammad Shafi Devbandiyning sakkiz jildli „Maarrif al Quran“ tafsir kitobini urdu tilidan bengal tiliga tarjima qilgan[30]. Asar Bangladesh Islom jamgʻarmasi tomonidan nashr etilgan. Hijriy 1413-yilda Madinadagi Qirol Fahd Qur’on bosma loyihasi Bengal tilidagi bir jildli tafsir nashrini[31] butun dunyo boʻylab bengal tilida soʻzlashuvchilarga bepul tarqatdi. Xon Al-Gʻazzoliyning Ihyau Ulumuddin va Abul Kalom Azadning Insaniat Mawt ki Darwaje Por (oʻzbekcha: O‘lim qarshisida insoniyat shakli) asarlarini tarjima qilgan. U tashkil etgan Madina Publications nashriyoti 1957-yildan boshlab Qur’on, hadis, siyrat-i Rasul, tarix, anʼana va lugʻat kabi turli mavzularda 600 ta sifatli kitoblarni nashr etdi[32].
Muhiuddin Xon yozgan yoki tarjima qilgan asarlar roʻyxati:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.