From Wikipedia, the free encyclopedia
Sharqiy Ozarbayjon (forscha: آذربایجان شرقی / Âzarbâyjân-e Šarqi) — Eron ustonlaridan biri. Eronning shimoli-gʻarbiy qismida joylashgan. Maʼmuriy markazi — Tabriz shahri. Boshqa yirik shaharlari: Ozarshahr, Julfa. Aholisi soni — 3 725 000dan ziyod. Eron Ozarbayjoni tarkibiga kiradi. Shimoldan Ozarbayjon va Armaniston hududlari bilan chegaradosh. Viloyatda 19 ta tuman, 42 ta baxsh, 58 ta shahar va 141 ta shahar mavjud[1].
Uston | |
---|---|
Maʼmuriy markazi | Tabriz |
Yirik shahari | Tabriz |
Boshqa yirik shaharlari | Ozarshahr, Julfa |
Asos solingan sanasi | 1950-yil |
Ustondor | Ismoil Jabborzoda |
Rasmiy tili | forscha |
Aholi (2011) | 3 724 620 |
Zichligi | 82 kishi./km² |
Millatlar tarkibi | ozarbayjonlar, forslar, kurdlar, tolishlar, armanlar |
Dinlar tarkibi | musulmonlar |
Maydoni | 46 650 km² |
Vaqt mintaqasi | UTC+3:30 |
Xaritada | |
![]() | |
38°4′36″N 46°16′48″E |
Oʻrta Yer dengiziga yaqin joylashgani uchun shimoliy qismi sovuq va Kaspiy Dengiziga yaqin joylarida baʼzi joylari sovuq, baʼzi joylari moʻtadil va baʼzi joylari issiq. Yilda oʻrtacha ellik kun qattiq sovuq boʻladi.Eron ning ushbu viloyati iqlimi jihatidan quruqlik hisoblanadi. Yillik yogʻin miqdori oʻrtacha 250 mm dan 600 mm gacha boʻladi. Urumiya koʻli Eron dagi eng katta koʻl boʻlib, Eronning shimoli-gʻarbida, Sharqiy va Gʻarbiy Ozarbayjonning orasida joylashgan. Viloyatning 14475 gektar joyini oʻrmonlar egallagan. Eron oʻrmonlarining ikkidan bir qismi Sharqiy Ozarbayjonda joylashgan[2].
Sharqiy Ozarbayjon ustoni 19 ta shahristonga (viloyat) boʻlingan: Quyida ushbu shahristonlar roʻyxati keltirilgan:
2011-yilgi maʼlumotlarga koʻra, Sharqiy Ozarbayjon ustonida 3 724 620 kishi istiqomat qiladi. Aholining 95 foizini ozarbayjonlar tashkil etadi. Ustonda shunigdek forslar, kurdlar, tolishlar va armanlar istiqomat qiladi. Aholi dindorlarining asosiy qismi musulmonlardir (ushbu ustonda asosan shialik mazhabi tarqalgan). Uston rasmiy tili — forscha. Ozarbayjon tili — norasmiy til maqomiga ega.
Diqqatga sazovor joylari Elkoʻli, Soatli minora va Tabriz shahar hokimiyati, Tabriz bozori, Alishoh masjidi, Maqbarat ush-shuaro, Sent Estepanus cherkovi, Masjidi qabul, Marogʻa rasadxonasi, Avxadiy Marogʻiy maqbarasi, Qizlar qalʼasi gʻori, Bobak qalʼasi, Kanduvondir.
Erondagi turli millat vakillarining bayramlari va urf-odatlari bir-biriga oʻxshashdir, lekin har bir millat oʻz tarixi, anʼanalari va geografik joylashuviga qarab ularni turlicha nishonlaydi. Navroʻz bayrami kirib kelishiga tayyorgarlik, Navroʻzdan oldin uy tozalash, bugʻdoy undirish va Chahorshanba suri marosimi shular jumlasidan. Sharqiy Ozarbayjonda bu kuni odamlar suv boʻyiga borib, uning ustidan „yoʻq boʻlsin chahorshanba“ deb sakraydilar. Ayollar oʻchoq tepasida turib, undan goʻzal ayol shaklini yasaydilar.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.