Oʻzbekiston milliy teleradiokompaniyasi
From Wikipedia, the free encyclopedia
 | |
| Qisqartma | MTRK |
|---|---|
| Sanoat | Media |
| Maqomi | Yuridik shaxs[1] |
| Ishga tushgan sanasi | 1933-yil |
| Asoschi(lar)i | Oʻzbekiston Respublikasi hukumati |
| Rais | Abdurashid Joʻraboyev |
| Bosh mahkamasi |
 Oʻzbekiston Toshkent, Navoiy shoh koʻchasi, 69, (telestudiya)Xorazm koʻchasi, 49 (radio)[2] |
| Vebsayti | www.mtrk.uz |
Oʻzbekiston milliy teleradiokompaniyasi — Oʻzbekiston televideniye va radio axborot tarqatuvchi tashkiloti.
1957-yil Oʻzbekiston radioeshtirish va televideniye qoʻmitasi sifatida tuzilgan. 1992-yil 7-yanvarda Oʻzbekiston Davlat Teleradioeshtirish kompaniyasiga, Oʻzbekiston Prezidentining 1996-yil 7-mayidagi Farmoni bilan esa Oʻzbekiston Teleradiokompaniyasi (Oʻzteleradio)ga aylantirilgan. Oʻzbekistonda televizion koʻrsatuvlar 1956-yil 5-noyabrda Toshkentda boshlangan. Oʻzteleradiokompaniya teledasturlari sutkasiga oʻrtacha 51,5 soat davomida asosan oʻzbek, rus, shuningdek, qozoq, qirgʻiz, tojik, uygʻur, turk, koreys, nemis tillarida efirga uzatiladi. Oʻzbekiston radiosi 1926-yildan buyon eshittirish berib keladi. Oʻzteleradio 4 ta respublika kanallari orqali radioeshittirishlarni efirga uzatadi. Radioeshittirishlarning kundalik oʻrtacha hajmi 91,7 soat.
„Oʻzbektelefilm“ studiyasi 1970-yilda Oʻzbekiston televideniyesining kinokoʻrsatuvlar tahririyati negizida paydo boʻlgan. „Oʻzbektelefilm“ studiyasida har yili 23 soatga yaqin hujjatli, 24 soatga yaqin badiiy filmlar yaratish koʻzda tutilgan. Dublyaj boʻlimida bir yilda 550—600 soat atrofidagi filmlar oʻzbek va rus tillariga oʻgiriladi.
Badiiy jamoalar direksiyasi Oʻzbekiston teleradiokompaniyasi qoshida 1987-yilda tashkil etilgan. Direksiya 7 jamoadan iborat: Xalq cholgʻu orkestri, Estrada simfonik orkestri, Xor jamoasi, Y. Rajabiy nomli "Maqom" ansambli, Gʻ. Toshmatov nomli "Dutorchilar" ansambli, Kamer orkestri, „Bulbulcha“ bolalar xori.
Respublika telemarkazi (RTM) 1956-yil tashkil qilingan. RTMning asosiy vazifasi Oʻzbekiston televideniyesi kanallari tomonidan tayyorlanayotgan koʻrsatuvlarni texnik tomondan taʼminlab, ularni efirga uzatishdan iborat. Hozirgi vaqtda RTM bir kecha-kunduzda 51,5 soat koʻrsatuvlarni efirga uzatishni taʼminlaydi. Yangi raqamli markaziy apparatxona va 5 kamerali umumiy maydoni 600 m2 studiya qayta jihozlanib ishga tushirildi. Hozirgi kunda 8 va 4 kamerali raqamli koʻchma televizion stansiya ishlab turibdi.
Respublika radoeshittirsh va ovoz yozish uyi (RROYU) 1966 yili tashkil qilingan. Radio uyi 11 ta sex va boʻlimlardan iborat. RROYUning asosiy vazifasi radioeshittirshlarni texnik tomondan taʼminlab, ularni efirga uzatishdan iborat. Barcha appparatxonalariga Germaniyaning „Siemens“ firmasi bilan hamkorlikda raqamli uskunalar oʻrnatilgan.
Oʻzbekiston teleradiokompaniyasinig „Oqtosh“ ijod uyi Toshkent viloyati Boʻstonliq tumani Soyliq qishlogʻida joylashgan. Umumiy maydoni 8,5 gektar. Pansionatda jami 10 kottej boʻlib, shundan 6 tasi yangidir. Bu yerda birdaniga 220 kishi dam olishi mumkin. Pansionat asab va nafas yoʻllari kasalliklarini davolash va profilaktika qilish uchun ixtisoslashgan.
Germaniyaning MDR-ARD, Rossiya, Ukraina, Polsha, Fransiya (CFI), Misr, Xitoy, Turkiya teleradiotashkilotlari bilan imzolangan hamkorlik shartnoma va kelishuvlar asosida oʻzaro dasturlar ayirboshlab turadi. Shuningdek, Oʻzteleradio jahondagi koʻpgina yirik telekompaniyalar bilan, jumladan, AQShning CNN, Germaniyaning DW, Yaponiyaning NHK, TBS, FUJI, Janubiy Koreyaning KBS, Turkiyaning TRT kabi yetakchi telekompaniyalar bilan keng tarmoqli aloqalarga ega. Oʻzbekiston televideniyesining „Axborot“ dasturi SCOLA (AQSH) konsorsiumi hamkorligida Internet orqali uzatib boriliadi. Oʻzteleradioning barcha xorijiy aloqalari va munosabatlari Xalqaro Aloqalar Departamenti orqali amalga oshiriladi[3][4].
- Ganja Yoqubov (1990—1997)
- Abdusaid Koʻchimov (1997—2005)
- Alisher Xoʻjayev (2005—2017)
- Xurshid Mirzohidov (2017-yil fevral-avgust)
- Bobur Alixonov (2017-yil avgust-sentyabr)
- Alisher Xoʻjayev (2017—2024)
- Abdurashid Joʻraboyev (2024-yildan)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
