![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1f/Stigmatopelia_senegalensis_-Gaborone_Game_Reserve%252C_Botswana-8.jpg/640px-Stigmatopelia_senegalensis_-Gaborone_Game_Reserve%252C_Botswana-8.jpg&w=640&q=50)
Musicha
From Wikipedia, the free encyclopedia
Musicha (Spilopelia senegalensis) — kaptarsimonlar oilasi gʻurraklar urugʻiga mansub qush. Dumi uzun, boshqa kaptarsimonlarga nisbatan kichik. Tanasining orqa tomonidagi patlari bir xil kulrang, boʻyni orqasida qora rangli yarim halqasi bor. Urugʻning boshqa turlaridan gavdasining kichikligi (uz. 14—30 sm), daraxtlar shoxiga in qurmasligi bilan farq qiladi.
![Thumb image](http://upload.wikimedia.org/wikipedia/commons/thumb/1/1f/Stigmatopelia_senegalensis_-Gaborone_Game_Reserve%2C_Botswana-8.jpg/640px-Stigmatopelia_senegalensis_-Gaborone_Game_Reserve%2C_Botswana-8.jpg)
Oʻrta Osiyoda keng tarqalgan, turar joylar yaqinida yashaydi. Binolarning boʻgʻotlariga in quradi, 2—3 ta tuxum qoʻyadi. Bir yilda bir necha marta bola ochadi. Oʻtroq yashaydi. Oʻsimliklar urugʻi, jumladan, don va non uvoqlari bilan oziqlanadi.[1]