![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bf/Matthew_McConaughey_2019_%252848648344772%2529.jpg/640px-Matthew_McConaughey_2019_%252848648344772%2529.jpg&w=640&q=50)
Matthew McConaughey
From Wikipedia, the free encyclopedia
Matthew David McConaughey (1969-yil 4-noyabrda tugʻilgan) — amerikalik aktyor. U „Dazed and Confused“ (1993) nomli kinokomediyada ikkinchi darajali rolni ijro etgan[1][2]. Bir qator filmlardagi ikkinchi darajali rollarini oʻynaganidan soʻng, uning bosh roldagi ilk muvaffaqiyatli filmi „A Time to Kill“ (1996) dramasi boʻldi. U „Contact“ (1997), „Amistad“ (1997) va „U-571“ (2000) kabi filmlarda bosh rollarni ijro etgan hisoblanadi.
2000-yillarda McConaughey „The Wedding Planner“ (2001), „How to Lose a Guy in 10 Days“ (2003), „Failure to Launch'“(2006), „Fool’s Gold“ (2008) va „Ghosts of Girlfriends Past“ (2009) kabi romantik janrdagi kinoomediyalarda suratga tushdi. Aktyorlikdagi ikki yillik tanaffusidan soʻng, McConaughey „The Lincoln Lawyer“ (2011) nomli dramasida suratga tushdi. U 2012-yilda „Magic Mike“ filmidagi striptizchi hamda „Mud“ filmidagi qochoq rolidagi ijrolaridan soʻng, kinotanqidchilar tomonidan hush qarshilandi.
McConaughey „Dallas Buyers Club“ (2013) biopik filmida OITS tashxisi qoʻyilgan kovboy Ron Woodroof rolini jonlantirgani ortidan koʻplab mukofotlarga sazovor boʻldi, jumladan, „Eng yaxshi aktyor“ nominatsiyasida Oscarni oldi. U, shuningdek, „The Wolf of Wall Street“ (2013) filmida ikkinchi darajali rolni ijro etdi.