From Wikipedia, the free encyclopedia
"Boshqa joy" (inglizcha: Another Place) — inson boʻyidek va har birining ogʻirligi 650 kilogramm boʻlgan yuzta antropomorfik choʻyan haykallardan iborat zamonaviy landshaft instalyatsiyasi. Entoni Gormli tomonidan yaratilgan va 2006-yilda Angliyaning Liverpul shimolidagi Krosbi plyajida oʻrnatilgan.
Kompozitsiya 3,2 km (2 milya) uzunlikdagi qirgʻoq chizigʻida joylashgan dengizga qaragan yuzta choʻyan haykaldan iborat. Har bir haykalning balandligi 189 sm, vazni esa taxminan 650 kgni tashkil qiladi. Ular Galifaks va Vest Bromvich metallurgiya zavodlarida choʻyandan quyilgan. Suv toshqini paytida haykallardan baʼzilari qisman, baʼzilari esa toʻliq suv ostiga botadi.
Dastlab, „Boshqa joy“ loyihasi 1997-yilda yaratilgan va Yevropa boʻylab sayohat qilgan. Turli vaqtlarda haykallar Kuksxafen (Germaniya), Stavanger (Norvegiya), De Pann (Belgiya) plyajlariga oʻrnatilgan. 2005-yilda Entoni Gormli 16 oy muddatga Liverpul yaqinida haykallarni oʻrnatishga ruxsat oldi, keyin kompozitsiya Nyu-Yorkka ketishi kerak edi, ammo bir nechta ingliz sanʼat fondlari haykaltarosh bilan birgalikda munitsipalitetga haykallarni doimiy ravishda Mersisaydda qoldirishni soʻrab murojaat qilishdi. 2007-yil mart oyida haykallarni[1] saqlab qolish toʻgʻrisida qaror qabul qilindi. „Boshqa joy“ Krosbi plyajlarini mashhur sayyohlik joyiga aylantirdi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.